"Azattyq Rýhy" парталының хабарлауынша, қазір Кәрім Мәсімовке қатысты "Мемлекетке сатқындық жасау" фактісі бойынша сотқа дейінгі тергеу жүріп жатыр. Есте болса, экс-төраға осыдан 5 күн бұрын ұсталған еді. Ұлттық қауіпсіздік комитеті Мәсімовпен бірге тағы бірнеше адамның қамалғанын да хабарлаған болатын.
Сондай-ақ бүгін елге "Дикий Арман" атымен танымал Арман Жұмағалдиев те Нұр-Сұлтан сотының шешімімен 2 айға қамалды. Ол 7-ші қаңтарда кісенделді. 5 адамнан тұратын қылмыстық топ Алматыда өткен арнайы операция барысында қолға түскен. Күдіктілерді тінту кезінде суық қаруланғаны әшкере болды. Ішкі істер министрлігінің мәліметінше, Арман Жұмагелдиев былтыр желтоқсанда шетелден келген және 5-6 қаңтардағы оқиғалар кезінде Алматыда болған. Қазір жедел тергеу тобы оның келу мақсатын да тексеріп жатқан көрінеді.
