Қайтарылған активтерді басқару компаниясы Кәрім Мәсімовтің елордадағы зәулім үйін сатылымға шығарды, деп хабарлайды inbusiness.kz сайты компанияның баспасөз қызметіне сілтеме жасап.
Компания 25 ақпанда сағат 10:00-де E-Qazyna веб-платформасында электрондық сауда өткізілетінін хабарлады.
"Аукцион аясында Астана қаласы, Нұра ауданы, Қараөткел шағын ауданы, Ерейментау көшесі, 1-құрылыс мекенжайында орналасқан жертөлесі бар тұрғын үй сатылымға қойылады. Нысан барлық қатысушылар үшін тең қолжетімділікті қамтамасыз ететін ашық және бәсекеге қабілетті шарттарда жүзеге асырылады", – делінген хабарламада.
Жертөлесі бар тұрғын үйдің бастапқы бағасы: 1 883 338 958,00 теңге. Кепілдік жарна: 117 960 000,00 теңге.
Айта кету керек, осыған дейін ҰҚК бұрынғы төрағасы Кәрім Мәсімов 18 жылға сотталғанын жазғанбыз.
