Бұл мақсаттарға 1327,12 млн. теңге бөлінді, деп мәлім етті облыс әкімдігінің ресми ақпарат порталы.
"Жалпы сомасы 490,9 млн теңгеге республикалық маңызы бар "Қарағанды-Аягөз-Бұғаз" жолына жөндеу жұмыстары жүргізілді", – деп мәлім етті Қарқаралы ауданының әкімі Халел Мақсұтов. –Облыстық маңызы бар жолдарды жөндеуге 478,5 млн теңге бөлінді. "Қарағанды-Аягөз-Қоянды-Егіндібұлақ-Бүркітті" тас жолындағы Талды өзеніндегі және Байқожа өзені арқылы өтетін екі көпір қалпына келтіріліп, пайдалануға берілді".
Сондай-ақ Халел Мақсұтовтың сөзінше, аудандық жолдарды жөндеуге 363,7 млн теңге жұмсалған. Бұл қаржыға "Қарқаралы-Қ.Аманжолов" жолына, Қарқаралыдағы Әубәкіров көшесіне және Қарағайлы ауылының үш көшесіне орташа жөндеу жұмыстары жүргізілген. Аудандық маңызы бар жолдардағы 8 суағар қалпына келтірілген.
Аудан бойынша автокөлік жолдарының жалпы ұзындығы 1118 шақырым. Оның ішінде 165 шақырымы – республикалық, 311 – облыстық және 632,4 шақырымы – аудандық жол.
