Бүгін қазақстандық боксшы Бахтияр Эюбов АҚШ-та өзінің 12-ші жеңісіне қол жеткізді.
Бокс кеші АҚШ-тағы Детройт қаласында MGM Grand Detroit аренасында өтті. Жерлесіміз бұл жолы жергілікті боксшы Гилберт Венегаспен (15-26-5, 8КО) жұдырықтасты. Алты раундтық жекпе-жекте Эюбов қарсыласын 60-54, 59-55, 60-54 ұпай санымен ұтып кетті.
Осылайша жерлесіміз кәсіпқой бокстағы он екінші жеңісіне қол жеткізді. Кештің басты кездесуі ресейлік Николай Потапов пен америкалық Антонио Ниевес арасында өтті. Бокс кешін америкалық Showtime телеарнасы тікелей эфирде көрсетті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
