Байрақты бәсекеге әлемнің 47 елінен 700-ден астам мықты таеквондошылар қатысты. Олардың арасында Олимпиада ойындарының, әлем және Еуропа чемпионаттарының жеңімпаздары мен жүлдегерлері бар деп жазады inbusiness.kz Қорғаныс министрлігінің баспасөз қызметіне сілтеме жасап.
87 келіден жоғары салмақ дәрежесіндегі жартылай финалдық жекпе-жекте қазақстандық спортшы Испаниядан келген қарсыласына есе жіберіп алды. Ол жарысты 14:5 есебімен қарсыластың пайдасына аяқтап, қола жүлдеге ие болды.
Әскери спортшы үшін "Sofia Open G1", пандемияға байланысты ұзақ үзілістен кейінгі алғашқы халықаралық турнир болды.
Лейтенант Руслан Жапаров – 2016 жылы Рио-де-Жанейрода (Бразилия) өткен Олимпиада ойындарының қатысушысы, 2019 жылы Уханьда (ҚХР) өткен Дүниежүзілік әскери ойындардың чемпионы, 2018 жылы Индонезияда өткен Азия чемпионатының күміс жүлдегері, 2018 жылы Джакарта мен Палембангте (Индонезия) өткен жазғы Азия ойындарының қола жүлдегері, таеквондодан халықаралық турнирлердің бірнеше дүркін жеңімпазы және жүлдегері.
