ҚР Парламенті Сенатының кулуарында ҚР премьер-министрінің орынбасары- Қаржы министрі Ерұлан Жамаубаев парламенттегі партияларды қаржыландыру республикалық бюджетті түзету кезінде қайта қаралуы мүмкін екенін айтты, деп жазады inbusiness.kz.
Қаржы министрінің айтуынша, Парламенттегі партияларды қаржыландыру көлемі Орталық сайлау комиссиясының өтініші негізінде қаралуы мүмкін.
"Жақын арада біз 2023 жылға арналған республикалық бюджетті нақтылау үшін Парламентке барамыз және Орталық сайлау комиссиясының өтініштері негізінде бұл бюджетті қайта қараймыз. Тиісінше, оны қайта бөлеміз", - деді министр Ерұлан Жамаубаев.
Сонымен қатар, Жамаубаев заң бойынша бюджеттен тек Парламенттегі партияларға ғана ақша бөлінетінін ескертті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
