Астананың бұрынғы әкімі Алтай Көлгінов ақпарат айдынынан көрінбей кетті. Әлеуметтік желілер мен БАҚ-та оған қатысты тергеу жүріп жатыр деген "қаңқу" сөздер пайда бола бастады, деп хабарлайды inbusiness.kz сайты.
БАҚ-та Көлгінов әкім болған кезінде сыбайлас жемқорлыққа қатысты сұрақтар туғызатын жобаларды жүзеге асырған болуы мүмкін деп жазды. Ал жуырда ғана Астана әкімдігінің Отын-энергетика кешені және коммуналдық шаруашылық басқармасының бастығы ұсталған соң, Алтай Көлгіновке қатысты қауесет тағы да өршіді. ҚМА бұл хабарламаларға түсініктеме берді.
"Қазақстан Республикасы Қаржы мониторингі агенттігі Астана қаласының экс-әкімі Алтай Көлгіновке қатысты қылмыстық іс қозғау туралы ақпарат беру туралы өтінішіңізді қарап, ҚМА аталған тұлғаның қылмыстық іс қозғалып жатқан істерге қатысы жоқ екенін хабарлайды", - делінген редакцияның ресми сауалына.
