Қаржы нарығын реттеу және дамыту агенттігінің төрағасы Мәдина Әбілқасымова несиеге қатысты сұрақтарға жауап берді, деп хабарлайды inbusiness.kz сайты.
Журналистер агенттік төрағасынан "Сіздің несиеңіз бар ма?", – деп сұрады.
"Иә, кредиттерім бар. Менің ойымша, банктердің цифрландыру деңгейі өте жоғары. Банктің мобильді қосымшасы арқылы көптеген әртүрлі қызмет аламын", – деді спикер Мәжіліс кулуарында.
Тілшілер "Сіз сенімді қарыз алушысыз ба?", – деп нақтылады.
"Тырысамын. Бірнеше мәрте қарыз алдым. Оны жауып бітірмегенше, көңілім жай таппайды. Қазір де қарызым бар", – деді Мәдина Әбілқасымова.
Айта кету керек, бұған дейін Мәдина Әбілқасымова ұлттық рейтингтік агенттік не үшін қажет екенін түсіндіргенін жазғанбыз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
