ҚР Қаржылық мониторинг агенттігінің баспасөз қызметі қаржы пирамидаларының үш негізгі белгісін атап көрсетті, деп жазады inbusiness.kz.
Біріншіден, тіпті ең бай адамдар да қысқа мерзімде өздерінің байлығын 100 немесе одан да көп пайызға арттыра алмайды. Миллионерлер ақшаны банкте сақтайды. Қазақстан банктеріндегі депозиттер бойынша ең жоғарғы мөлшерлеме жылына 11%-ды құрайды.
Қаржы пирамидаларын ұйымдастырушылар қысқа мерзімде жоғары пайда табуға уәде береді.
Екіншіден, банктерге салынған барлық салымдар мемлекет тарапынан қорғалған. "Қазақстанның депозиттерге кепілдік беру қоры" АҚ азаматтардың депозиттерін қорғайды және олардың сақталуына кепілдік береді.
Бұл ретте, қаржы пирамидаларына салымдарды қайтару және уәде етілген пайданы алу үшін ешкім жауапты болмайды.
Үшіншіден, қаржы пирамидаларын ұйымдастырушылар моральдық-психологиялық қысымның әртүрлі құралдарын пайдаланады. Бұл жиі жарнама, мессенджерлердегі көптеген хабарламалар және "көмек" және "кеңестер" түріндегі басқа манипуляциялар.
