Өткен тоғыз айда Қазақстанның қаржы-сақтандыру саласына салынған негізгі инвестиция 60,2 млрд теңгені құрады, деп хабарлайды Finprom.kz. Бұл – осыған дейінгі ұқсас кезеңдердің барлығымен салыстырғанда рекордтық көрсеткіш. 2018 жылдың қаңтар-қыркүйегімен салыстырсақ, бірден 38,7% өсім болған. Былтырғы жылы бұл бағытта көрсеткіш керісінше 9,1%-ға төмендеген еді. Жалпы 2018 жылы бұл бағыттағы негізгі инвестиция 65,6 млрд теңгені құраған. Ол 2017 жылмен салыстырғанда 9,1%-ға жоғары.
2018 жылғы инвестициялық салымдардың 99%-ы бизнестің жеке қаражаты. Бір жылда бизнестің инвестициялық үлесі 39,3%-ға өсіп 59,7 млрд теңгені құрады.
Салаға салынған негізгі инвестицияның 63,3%-ы Алматы қаласына тиесілі. Мұнда бір жылдағы өсім 29,6% немесе 38,1 млрд теңге. Алайда бұған қарамастан Алматының жалпыреспубликалық көрсеткіштегі үлесі 67,7%-дан 63,3%-ға төмендеді.
Екінші орында Нұр-Сұлтан, мұнда инвестиция көлемі 49%, 8,5 млрд теңгеге өскен. Жалпы көрсеткіште астананың үлесі 13,1%-дан 14,1%-ға артты.
Үшінші орында Маңғыстау облысы. Аталған өңірде инвестиция көлемі 5,6 есеге өсіп, 1,9 млрд теңгеге жеткен.
Құралай Құдайберген
