2020 жылы қаржы және сақтандыру саласындағы белсенді компаниялардың саны 17%-ға қысқарды. Бұл туралы Finprom.kz басылымы хабарлады. Қыркүйекте бұл көрсеткіш 7%-ға төмендеп, 2015 жылдан бергі ең төмен деңгейге жетті.
Осы саладағы шағын компаниялардың саны биыл 6,4%-ға кеміп, 9 мың болды. Оның 5,5 мыңы жұмыс істеп тұр, яғни былтырғы көрсеткішпен салыстырғанда 9%-ға аз.
Жұмыс істеп тұрған шағын компаниялар санының азаюы әсіресе Қостанай облысында (-27,4%), Павлодар (-21,2%) және Шығыс Қазақстан (-17,7%) облыстарында байқалып отыр. Ал Маңғыстау (+1,3%) және Алматы (+0,6%) облыстарында, керісінше, олардың қатары көбейді.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
