Қазақстанда бюджеттің 36 млрд теңгесі игерілмей қалды. Бұл туралы naryk.kz хабарлайды.
Қаржының игерілмеуінің қомақты сомасы Қорғаныс министрлігіне тиесілі. Бұл туралы ҚР Парламенті Мәжілісінде Үкіметтің 2016 жылға республикалық бюджеттің атқарылуы туралы есебін таныстыру барысында мәлім болды.
Атап айтқанда, 2016 жылы шығыстар 8 трлн 501 млрд теңгеге атқарылып, 98,3 пайызға игерілді.
Министрліктің мәліметінше, бюджеттің 36 млрд теңгесі игерілмей қалды. Қаржыны игермеу бойынша келесідегідей министрліктер аталды:
Қорғаныс министрлігі – 29 млрд теңге; Ішкі істер министрлігі – 1,2 млрд теңге; Білім және ғылым министрлігі – 1 млрд теңге; Сыртқы істер министрлігі – 920,2 млн теңге; Ауыл шаруашылық министерлігі – 870,2 млн .теңге; Әділет министрлігі – 759 млн теңге.
"Бюджет қаражатын тиімсіз пайдалану сомасы 2015 жылмен салыстырғанда 1,7 есе азайып 268 млрд теңгені құрады", – деді Қаржы министрі Бақыт Сұлтанов.
