29 наурызда Қазақстанның қор биржасы мен "ИРБИС" қаржы нарықтары туралы ақпарат агенттігі ұйымдастыратын "Биржалық ынталандырушы" республикалық студенттер жобасы басталады, деп хабарлайды LS.
Аталмыш жоба қаржы және экономика факультеттері студенттеріне қазақстандық компаниялардың аса өтімді акциялары саудасына тегін қатысуға мүмкіндік береді. Ол KASE сауда жүйесінде құрылған және барлық котировкалар шынайы саудадан алынады.
Жобаның бас әріптесі "Фридом Финанс" болып табылады. Жобаның әріптестері "Цесна Капитал", "Казком Секьюритиз" және "Сентрас Секьюритиз" болып отыр.
Жобаның жүлде қоры 1 млн теңгені құрайды. Жеңімпаздар оқу саудаларының қорытындысы бойынша анықталмақ. Сондай-ақ студенттер қаржы ұйымдарында тәжірибеден өтуге мүмкіндік алмақ.
Елімізде студенттерге арналған оқу саудалары 2008 жылдан бері жүргізіліп келеді. Барлығы аталған кезең ішінде саудаға жоо-лардың 3 мыңдай студенті қатысты.
Жоба бір ай жалғасып, 26 сәуірде аяқталады. Қатысушыларды тіркеудің соңғы күні – 2017 жылдың 27 наурызы.
