Кәсіпкерлер жыл соңына дейін арендалық төлемнен босатылады, деп хабарлайды Atameken Business
Құжатқа сәйкес, жеңілдік мемлекеттік мекемені жалға алған шағын және орта кәсіп иелеріне берілген. Бұған дейін бизнесті қолдау ретінде жалдау ақысы 20-шы наурыздан бастап 3 айға тоқтатылған болатын. Енді міндетті алымдар 31 желтоқсанға дейін қайта шегерілді. Осыған орай, карантиннен зардап шеккен іскер азаматтарға 9 ай көлемде қаржы үнемдеуге мүмкіндік берілуде. Ал осы күнге дейін алынған төлемдер келер жылдың жалдау ақысы ретінде қарастырылмақ. Министрлік бұйрығы 14 қазанда күшіне енді. Кәсіпкерлер өз өтініштерін gosreestr.kz порталында қалдыра алады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
