Елдегі тәртіпсіздіктер кезінде бизнеске 92,3 млрд теңге көлемінде шығын келді, деп хабарлайды inbusiness.kz порталы "Атамеке" ҰКП-ге сілтеме жасап.
Алдын ала мәліметтер бойынша кәсіпкерлерге келген шығын көлемі 92,3 млрд теңгеден асқан.
9 қаңтардағы мәліметке сәйкес, Call-орталыққа 2320 қоңырау келіп түсті, оның ішінде: тонау бойынша – 1127, форс-мажор – 26, блок-бекеттер – 2, жеке тұлғалардың қоңырауы – 1052.
"Елдегі 10 өңірде 1181 бизнес субъектісі зардап шеккен. Олар 1351 объектіде орналасқан. Оның ішінде Алматыда 935 субъектісі зардап шекті: олар 1091 объектіде орналасқан", - деп жазылған хабарламада.
Зардап шеккен бизнес субъектілері: саудада – 1122, қоғамдық тамақтандыру – 17, қаржы секторы – 31, логистика – 8.
"Алдын ала мәліметтер бойынша кәсіпкерлерге келген шығын көлемі – 92,3 млрд теңге. Оның ішінде Алматыда – 90,7 млрд теңге", - деп жазылған хабарламада.
