Бүгін Президенттің төрағалығымен еліміздегі коронавирус індетіне байланысты эпидемиологиялық ахуал жөніндегі кеңес өтті. Онда Қасым Жомарт Тоқаев Үкіметке төмендегі мәселелерді пысықтауды тапсырды.
"Біріншіден, (коронавирус пандемиясынан – автор) зардап шеккен салаларда шағын және орта бизнес (ШОБ) субъектілері үшін жекелеген салықтар мен төлемдерді төлеуге кейінге қалдыруды енгізу;
Екіншіден, салық және кеден қарызын мәжбүрлеп өндіріп алуды тоқтата тұру.
Бұл шаралар жаппай вакцинация басталғанға дейін және көптеген карантин шектеуін алып тастағанға дейін қолданылуы керек", - деді кеңесте.
Сонымен қатар ол Қаржы нарығын реттеу мен дамыту агенттігі мен Ұлттық банкке экономиканың зардап шеккен секторларындағы ШОБ несиелері бойынша төлемдерді кейінге қалдыру мүмкіндігін қарастыруды тапсырды.
Дәурен Ерболат
