Бұл туралы QazTrade АҚ өкілі Айнұр Әмірбекова елордада өткен баспасөз жиынында айтты, деп жазады inbusiness.kz.
"Бүгін QazTrade Academy деген платформаны көпшілік алдына ұсынғалы отырмыз. Онда кәсіпкер, экспорттаушы немесе индустриализацияға шыққан стартаперлер курстан өте алады. Тек тіркеуден өтсе болды, 24 сағат білім алуға ыңғайлы. Платформада қазіргі уақытта төрт жүйелі курс енгізілген. Оқуды өткеннен кейін сертификат ала алады. Одан бөлек QazTrade-тің де ютубқа арналған курстары бар", – деді Айнұр Әмірбекова.
Оқытуды халықаралық сауда орталығы "QazTrade" сауда саясатын дамыту орталығы" АҚ-мен және Қазақстан Республикасының Сауда және интеграция министрлігімен бірлесіп "Ready4trade Орталық Азия" жобасы шеңберінде жүргізеді.
Ұйымдастырушылардың айтуынша, халықаралық сауда ережелерінен бастап экспорттық рәсімдерге, транзиттік бағыттарға, сапа және сәйкестік стандарттарына, сондай-ақ Еуропалық Одақ нарығының нақты талаптарына арналған тақырыптар қамтылған.
