Сондай-ақ, 1 шілдеден бастап "Атамекен" ҰКП бизнесмендер үшін серіктестердің бизнес-тізімін енгізбек. Сол арқылы іскерлер Жеке Кәсіпкерлік атауын не азаматтың аты-жөнін пайдалана отырып, әлеуетті контрагенттің адалдығын өз бетінше бағалай алады. Бұдан бөлек, салықтық қарызы 15 мыңнан асатын азаматтың есепшоттары бұғатталады. Яки салық органдары банктік шоттар бойынша операцияларды тоқтата тұруға құқылы болады. Карантин және пандемия кезеңіндегі медициналық шығындар жеке тұлғалардың кірістерінен алынып тасталды. Бұған не дейсіз? Жалпы, бұл туралы Сіз бұған дейін естідіңіз бе? Қоғамдық талқылауға шығарылды ма өзі? Бүйткенде сөйтеді, мынадай түзету болады деп ескертілді ме? "Білмеймін" дегендей басын шайқағандар араларыңызда көп, меніңше. Осы ретте, түсіндіру жұмыстары жүргізілді ме? деген сұрақ туындайды. Және қолданысқа енетін бұл өзгерістер жұртқа қаншалықты тиімді? Жағдай жеңілдетіп не жақсарта ма?
