Кәсіпкерлікке ең қолайлы 78 елдің ішінде Қазақстан 75-орында

Кәсіпкерлікке ең қолайлы 78 елдің ішінде Қазақстан 75-орында

11 Маусым 2021 09:58 551

Кәсіпкерлікке ең қолайлы 78 елдің ішінде Қазақстан 75-орында
Рейтингтің барлық тармақтары бойынша еліміз өте төмен баға алды.

2021 жылғы US News & World Report кәсіпкерлік үшін ең қолайлы елдердің рейтингінде Қазақстан 78 мемлекеттің ішінен 75-орынды иеленді. Республикадағы кәсіпкерліктің даму деңгейін бағалау 100-ден 0,9 балды ғана құрады, деп хабарлайды inbusiness.kz тілшісі finprom.kz-ке сілтеме жасап. 

ТМД елдерінің ішінде рейтингте Ресей (22-орын), Украина (51-орын), Беларусь (57-орын), Әзірбайжан (71-орын) Қазақстаннан жоғары тұр.  Тізімде тек үш мемлекет артта қалды. Олар Өзбекстан (76-орын), Гватемала (77-орын) және Сальвадор (78-орын).

Рейтингті Жапония, Германия және АҚШ ашады.  ТОП 5-тікке Ұлыбритания мен Оңтүстік Корея кіреді.

Рейтингте 78 елді 76 түрлі индикаторлар бойынша бағалаған. Ол үшін 17 мыңнан астам адамнан сұхбат ала отырып зерттеу жүргізілген.

Айта кететіні 2021 жылдың 1 маусымындағы жағдай бойынша елде жеке кәсіпкерліктің жұмыс істеп тұрған 1,1 млн субъектісі болды, бұл өткен жылмен салыстырғанда 1,7% жоғары.  Жеке кәсіпкерлердің жалпы санының 47,5%-ын әйелдер басқарады.
 
Аймақтық контексте субъектілердің көпшілігі Түркістан облысында жұмыс істейді: 131,7 мың - өткен жылмен салыстырғанда 0,9% аз.  Бизнес саны бойынша үш алдыңғы қатарлы облыстың қатарына Алматы қаласы мен Алматы облысы да бар. Ал Солтүстік Қазақстан облысында керісінше жеке кәсіпкерлердің ең аз шоғырланған.

Құралай Құдайберген

162525

Ұқсас материалдар:

otandyk-un-ondirushiler-memlekettin-koldauyna-muhtazh

syr-elinde-bir-zhyl-ishinde-6-mektep-pajdalanuga-beriledi

prezident-muhammed-ben-abdulrahman-al-tanidi-kabyldady

prezident-kazakstan-qazvac-ondirisin-arttyryp-ony-eksportka-shygaruga-dajyn

kazakstan-sutegi-energetikasyn-igeruge-basymdyk-beredi

загрузка

×