Бүгін Қазақстан Республикасы Экология және табиғи ресурстар министрінің төрағалығымен қоршаған ортаға эмиссиялар мониторингінің автоматтандырылған жүйесін (АМЖ) енгізу мәселелері бойынша кеңес өтті, деп хабарлайды inbusiness.kz сайты.
Кеңеске министрліктің, Экологиялық реттеу және бақылау комитетінің, "ҰАТ" АҚ және Ұлттық деректер банкінің АМЖ енгізуге жауапты қызметкерлері қатысты.
АМЖ енгізу Қазақстан Республикасы Экологиялық Кодексінің 186-бабымен регламенттелген, оған сәйкес бірінші санаттағы кәсіпорындар АМЖ белгілеуге міндетті. Жүйе эмиссиялардың негізгі стационарлық көздерінде қоршаған ортаға зиянды заттардың шығарындыларын бақылауға және өндірістік экологиялық бақылау жүргізу кезінде деректерді нақты уақыт режимінде мониторингтің ақпараттық жүйесіне беруге және осылайша бұзушылықтарға жедел ден қоюға мүмкіндік береді.
Бүгінгі таңда АМЖ орнатуға міндетті 91 кәсіпорынның 59-ы (65%) орнатты. Оның ішінде 21 кәсіпорын қоршаған орта мен табиғи ресурстардың жай-күйі туралы Ұлттық деректер банкінің ақпараттық жүйесіне қосылған.
АМЖ қосу мақсатында "ҰАТ" АҚ-мен АМЖ әзірлеу, ақпараттық жүйені тетирлеу, өнеркәсіптік пайдалануға енгізу, кәсіпорындармен кеңестер өткізу, нормативтік құқықтық базаны сәйкестендіру бойынша үлкен жұмыс жүргізілді.
Осы бағыттағы жұмыс жалғасатын болады.
