"Ахмет Салманов сот үкімі бойынша 7 млн 47 мың 400 теңге көлемінде айыппұл арқалады", – деп хабарлады Маңғыстау облыстық соттың баспасөз қызметі.
Биылғы жылдың қыркүйек айында Сыбайлас жемқорлыққа қарсы іс-қимыл агенттігінің департаменті Маңғыстау облыстық мәслихатының депутаты Ахмет Салмановты ұстағаны туралы ақпарат тараған еді.
Депутат 2021 жылдың мамырынан 2022 жылдың шілдесіне дейін "Каспий" футбол клубының директорынан футбол клубын күтіп-ұстауға өңірлік бюджеттен қаражат бөлуге жәрдемдескені және қамқорлығы үшін 766 мың теңге пара алғаны белгілі болды.
Ахмет Салманов ҚР ҚК 190-бабы алаяқтық дерегі бойынша кінәлі деп танылды. Ол өмір бойы мемлекеттік қызметте еңбек ету құқығынан айырылды. Сот үкімі заңды күшіне енді.
Тасым Жаңай
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
