Атырау облысында Каспий итбалықтарының санағы жүргізіледі. Олардың саны соңғы рет 6 жыл бұрын анықталған болатын, деп хабарлайды ҚазАқпарат.
"Итбалықтардың популяциясын есептеу үшін, әуеден түсірілім жасайтын кешені бар ұшақ-зертхана жұмылдырылады. Бұл кешенге тепловизор, фотоаппараттар, бортта орнатылған аспаптық және визуалдық ақпараттың автоматтандырылған жүйесі кіреді. Зерттеуге негіз ретінде қазіргі кезде ресейлік зерттеушілердің Балтық теңізіндегі итбалықтарды зерттеу кезінде қолданатын әдістемесі алынған", – дейді "Норт Каспиан оперейтинг компани" баспасөз қызметінен.
Жұмыстарға итбалықтарды зерттеумен айналысатын ресейлік және қазақстандық ғалымдар, сондай-ақ Микробиология және вирусология институтының, Қазақстандық қолданбалы экология агенттігінің қызметкерлері қатысады.
