Соғыс жағдайы мен Ормұз бұғазының блокадаға ұшырауына байланысты Иран сауданы Каспий теңізіне қайта бейімдеуге мәжбүр, деп жазады inbusiness.kz сайты.
Шетелдік БАҚ мәліметінше, бұған дейін Иран саудасының 90%-ға дейіні Парсы шығанағы арқылы өтсе, соғыс теңіз тасымалының 95%-ға дейінін тоқтатып, солтүстік бағытты аса маңызды еткен. Каспий теңізі ел экономикасы мен әскери логистикасы үшін стратегиялық маңызға ие бола түсті.
"Иран тауарлары нарықтарға жетуі үшін Каспий теңізі арқылы өтетін көлік байланыстары енді шешуші мәнге ие", – делінген хабарламада.
Айта кетейік, Каспий теңізінің бірегей стратегиялық ерекшелігі бар. Ол – тұйық су айдыны, тек бес жағалаулас мемлекетпен қоршалған. Сондықтан теңіз сыртқы әскери-теңіз күштері үшін іс жүзінде жабық.
