Ақтауда "Жылы жағажайларды дамыту" жобасы қолға алынғалы жатыр. Жоспарға сәйкес, Каспий теңізін жағалай 25 шақырым жерге су, электр және газ құбыры тартылмақ, деп хабарлайды 24.kz.
Инженерлік желілермен толық қамтылған жерлерге демалыс базалары, шипажайлар мен балаларға арналған жазғы лагерь салынады.
"Халықтың жазда суға түсіп, демалуына жағдай жасау арқылы туризмді дамытуды көздеп отырмыз", - дейді қала басшылары. 80 миллиард теңге тұратын жоба инвесторлар қаржысына жүзеге асуға тиіс.
"Қазіргі таңда жобалары жасақталған. Эскиздік жобалары толығымен бекітіліп, халықтық кеңестен оң шешімін тапты", - дейді қалалық құрылыс бөлімінің басшысы Қайрат Ақыбаев.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
