2020-2025 жылдарға арналған "Нұрлы жол" инфрақұрылымды дамыту мемлекеттік бағдарламасы аясында су көлігі саласын дамытуға ерекше назар аударылады. Үкімет отырысында индустрия және инфрақұрылымдық даму министрі Бейбіт Атамқұлов осылай деді.
"2025 жылға дейін 2 паром және 4 құрғақ жүк кемесі сатып алынады. Бұл Каспий теңізіндегі Қазақстан флотының әлеуетін 35% арттырады", – деді министр.
Оның сөзінше, 2025 жылға дейін апаттық жағдайды 10,3% төмендетуге және шлюздердің өткізу қабілетін жылына 350 кемеге дейін арттыруға басымдық беріледі.
"Осы мақсатқа темірбетон конструкцияларының және жүк көтеру техникасын жөндеуге 1,9 млрд теңге бөлінеді", – деді Бейбіт Атамқұлов.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
