90 жылдық тарихы бар Әбілхан Қастеев атындағы музейде ауқымды жөндеу жұмыстары жүргізіліп, жаңа экспозиция ұсынылды, деп хабарлайды inbusiness.kz сайты.
Жаңарту жұмыстары 993,7 млн теңге бөлген "Самұрық-Қазына" АҚ қолдауымен жүзеге асырылды.
Су жаңа паркет төселіп, есіктер қалпына келтіріліп, қабырғалар әрленді. Сондай-ақ, инженерлік желілер жаңартылған.
"Бұл – тарихымызды сақтауға, ұлттық мәдениетті насихаттауға және болашақ ұрпақтың құндылықтарын қалыптастыруға қосқан үлесіміз", – деді "Самұрық-Қазына" АҚ басшысы Нұрлан Жақыпов.
Ресми бөлімнен кейін музейдің тұсаукесері өтіп, екінші қабаттағы жаңа экспозиция бойынша шолу туры ұйымдастырылды.
