/img/tv1.svg
RU KZ
KASE 2 381,23 Hang Seng 27 610,72
FTSE 100 7 475,33 DOW J 29 348,20
РТС 1 539,70 Бидай 560,20
Қасым-Жомарт Тоқаев Бейжіңде Халық батырлары монументіне гүл шоқтарын қойды

Қасым-Жомарт Тоқаев Бейжіңде Халық батырлары монументіне гүл шоқтарын қойды

Мемлекет басшысының Қытайға сапарының екінші күні басталды.

12 Қыркүйек 2019 09:34 427

 Қасым-Жомарт Тоқаев Бейжіңде Халық батырлары монументіне гүл шоқтарын қойды

Қазақстан Президенті Қасым-Жомарт Тоқаев Бейжіңде Халық батырлары монументіне гүл қою рәсіміне қатысты. Бұл туралы Мемлекет басшысының баспасөз хатшысы Берік Уәли хабарлады.

«Қазақстан Президенті Қасым-Жомарт Тоқаев ҚХР-ға Мемлекеттік сапары аясындағы екінші күнгі бағдарламасына сәйкес Бейжіңдегі Халық батырлары монументіне гүл қою рәсімінен бастады»,– делінген хабарламада.

inbusiness.kz-ті қараңыз, оқыңыз :

Президент ҚХР Бүкілқытайлық халық өкілдері жиыны тұрақты комитетінің төрағасымен кездесті

Кездесу барысында Қазақстан мен Қытайдың парламентаралық ынтымақтастығы жайы талқыланды. Екі тарапта аталмыш қарым-қатынастың жұмысын оң бағалады.

12 Қыркүйек 2019 11:49 990

Президент ҚХР Бүкілқытайлық халық өкілдері жиыны тұрақты комитетінің төрағасымен кездесті

Қасым-Жомарт Тоқаев Ли Чжаньшуды ҚХР-дың 70 жылдық мерекесімен құттықтап, Қытайға мемлекеттік сапары барысында жасалған өзара тиімді уағдаластықтар жөнінде айтты, деп хабарлайды Ақорданың баспасөз қызметі.

«Кешегі келіссөздер сәтті өтті. Қытай Қазақстанның үлкен көршісі. Сондықтан біз екі ел арасындағы жан-жақты ынтымақтастығымызды ескере отырып, Төраға Си Цзиньпинмен Бірлескен мәлімдемеге қол қойдық. Онда біздің әріптестігіміз стратегиялық және ұзақ мерзімді мәнге ие екені көрсетілген. Бұл сапарымның қорытындыларына қанағаттануға барлық негіз бар»,– деді Президент.

Мемлекет басшысы екі елдің парламентаралық қарым-қатынастарын одан әрі нығайту перспективалары туралы айта келіп, осы жылдың қыркүйегінде Нұр-Сұлтан қаласында өтетін Еуразия парламенттері спикерлері IV кеңесінің маңыздылығын да атап өтті.

«Сіздің Қазақстанға үш рет келгеніңізді білемін. Жақын арада сіз Қазақстанға қайта барасыз. Бірақ бұл сапарыңыз Бүкілқытайлық халық өкілдері жиыны тұрақты комитетінің Төрағасы ретінде болатындықтан, оның жөні де бөлек болмақ. Біз сіздің сапарыңызды зор ықыласпен күтеміз»,– деді Қасым-Жомарт Тоқаев.

Ли Чжаньшу Қасым-Жомарт Тоқаевтың Қазақстан-Қытай қарым-қатынастарын дамытуға қосқан елеулі үлесін атап өтіп, оның Си Цзиньпинмен келіссөздерінің нәтижелі өткеніне тоқталды.

«Кеше Сіз бен Төраға Си Цзиньпиннің арасында сенімді әрі жемісті келіссөздер болды. Кең ауқымды мәселелер бойынша пікір алмасулар өтті. Соның нәтижесінде Бірлескен мәлімдемеге қол қойылды. Онда екі көшбасшы да тараптар стратегиялық әріптестікті дамытады деп мәлімдеді. Осылайша, сіздің Қытайға сапарыңыз үлкен жетістікпен аяқталды. Ал Қазақстан-Қытай қарым-қатынасы жаңа тарихи кезеңге өтті»,– деді Ли Чжаньшу.

Президенттің Қытайға сапары барысында 10-ға тарта екіжақты келісімге қол қойылды

Қазақстан Президенті Қасым-Жомарт Тоқаев Қытай Халық Республикасының Төрағасы Си Цзиньпиньмен  келіссөздер жүргізіп, бірлескен мәлімдеме жасады.

12 Қыркүйек 2019 10:48 197

Президенттің Қытайға сапары барысында 10-ға тарта екіжақты келісімге қол қойылды

Фото: akorda.kz

Президенттің Қытайға мемлекеттік сапары барысында 10-ға тарта екіжақты маңызды келісімге қол қойылды, деп хабарлайды Atameken Business.

Қазақстан Президенті Қасым-Жомарт Тоқаев Қытай Халық Республикасының Төрағасы Си Цзиньпиньмен  келіссөздер жүргізіп, бірлескен мәлімдеме жасады.

Бекітілген құжаттар арасында Үкіметаралық авиациялық іздеу және азаматтық әуе кемелерін құтқару саласындағы ынтымақтастық туралы келісім, «Нұрлы жол» жаңа экономикалық саясаты мен «Жібек жолының экономикалық белдеуі» құрылысын ұштастыру жөніндегі ынтымақтастық жоспарын жүзеге асыруға байланысты өзара көмек туралы меморандум, бірқатар ауылшаруашылығы өнімдеріне қойылатын инспекциялық, карантиндік және ветеринарлық-санитарлық талаптар жөніндегі хаттама бар. Сонымен қатар, сапар барысында Қазақстанда сандық инфрақұрылымды дамыту туралы меморандумға да қол қойылды. Оған сәйкес, 2020 жылы Нұр-Сұлтанда құны 100 млн доллар болатын дата-орталықтың құрылысы басталады.

Жаңалықтарға жазылу: