DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 314,56 Brent 36,55
Қасым-Жомарт Тоқаев Чехияның депутаттар палатасының төрағасымен кездесті

Қасым-Жомарт Тоқаев Чехияның депутаттар палатасының төрағасымен кездесті

Мемлекет басшысы Қазақстанға ресми сапармен келген Чех Республикасы депутаттар палатасының төрағасы Радек Вондарчекпен кездесті.

17 Қазан 2019 17:55 544

Қасым-Жомарт Тоқаев Чехияның депутаттар палатасының төрағасымен кездесті

Тараптар Қазақстан мен Чехия арасындағы қатынастардың қазіргі ахуалы мен перспективаларын, атап айтқанда, Қазақстан – Еуропалық одақ, Орталық Азия – Еуропалық одақ және Орталық Азия – Вышеград төрттігі (Чехия, Польша, Венгрия және Словакия) сияқты көпжақты форматтағы ықпалдастық мәселелерін талқылады.

Мемлекет басшысы  Радек Вондарчекті Барқыт төңкерісінің 30 жылдығымен, Чехияның НАТО-ға кіруінің 20 жылдығымен және алдағы Республика күнімен құттықтады. Сондай-ақ Президент Қазақстанның Еуропалық одақтағы маңызды саяси әрі экономикалық серіктесі саналатын Чехиямен арадағы байланыстарды одан әрі дамыта беретінімізді атап өтті.

«Сіздің бұл сапарыңыз екі ел парламенттері арасындағы өзара іс-қимылдарды нығайту тұрғысынан ғана емес, сондай-ақ, екіжақты ынтымақтастыққа тың серпін беру мақсатында да өте маңызды», – деді Мемлекет басшысы.

Өз кезегінде чех саясаткері қонақжайлық көрсетіп, жылы қабылдағаны үшін Мемлекет басшысына алғыс білдіріп, елімізде жүзеге асырылып жатқан реформаларды жоғары бағалады.

«Чех Республикасының өкілі ретінде екі ел арасындағы ынтымақтастықтың достық және дәстүрлі рухта өрбіп, өте тығыз әрі терең қарым-қатынастың қалыптасқанын растауға мүмкіндік туғанына қуаныштымын»,– деді Радек Вондарчек.

inbusiness.kz-ті қараңыз, оқыңыз :

Ел президенті Қасым-Жомарт Тоқаев Элизабет Тұрсынбаеваны жеңісімен құттықтады

Элизабет Тұрсынбаева Жапониядағы әлемдік сында күміс жүлде иеленді. Сондай-ақ, әйелдер арасында төрттік сальховты тұңғыш орындаған спортшы ретінде тарихта қалды.

23 Наурыз 2019 01:42 776

Ел президенті Қасым-Жомарт Тоқаев Элизабет Тұрсынбаеваны жеңісімен құттықтады

Қазақстан президенті Қасым-Жомарт Тоқаев мәнерлеп сырғанаудан әлем чемпионатында күміс медальге ие болған Элизабет Тұрсынбаеваны құттықтады.

«Элизабет Тұрсынбаева мәнерлеп сырғанаудан Әлем чемпионатының күміс жүлдегері болды! Тарихта алғаш рет төрттік секіруді орындады! Жарайсың! Құттықтаймын!»,– деп жазды президент өзінің Twitter-дегі микроблогында.

Ал ҚР мәдениет және спорт министрі Арыстанбек Мұхамедиұлы: «Біздің Элизабет Тұрсынбаева ӘЧ екінші орынды жеңіп алды! Қуанышта шек жоқ!  ӘЧ Элизабет әлемде тұңғыш рет төрт айналымға секіру элементін орындады. Осы жеңіспен Элизабетті, оның ата-анасын, бапкері Этери Тутберидзені шын жүректен құттықтаймын! Барша қазақстандықтарды біздің мәнерлеп сырғанаушымыздың сенсациялық жеңісімен құттықтаймын!», – деп сүйінші сұрады.
Айта кетсек, Элизабет Тұрсынбаева Жапонияның Сайтама қаласындағы әлемдік сында жалпы есебі 224.80 ұпай жинап, тұғыр биігіне көтерілді. 

Сондай-ақ, әйелдер арасында төрттік сальховты тұңғыш орындаған спортшы ретінде тарихта қалды.

Нұрсұлтан Назарбаевқа «Халық қаһарманы» атағы берілді

ҚР президенті өкілеттігін қабылдаған Қасым-Жомарт Тоқаев Елбасыға «Алтын жұлдыз» орденін тапсырды. Ол Қазақстан қол жеткізген барлық жетістіктері мен табыстары, қасиетті тәуелсіздігі үшін президент Нұрсұлтан Назарбаевқа борышты деп есептейді.

20 Наурыз 2019 12:41 723

Нұрсұлтан Назарбаевқа «Халық қаһарманы» атағы берілді

Фото: Серікжан Қобыланбаев

Бүгін Республика президенті Қасым-Жомарт Тоқаев ҚР Тұңғыш Президенті - Елбасы Нұрсұлтан Назарбаевқа «Халық қаһарманы»  атағын берді.

Бүгін ҚР парламенті палаталарының бірлескен отырысында ҚР президенті өкілеттігін қабылдаған Қасым-Жомарт Тоқаевқа Президент куәлігі, омырауға тағатын белгісі және байрағы, «Алтын қыран» ордені тапсырылды.

Салтанатты жиында Қасым-Жомарт Тоқаев сөз алып, президент ретіндегі алғашқы тапсырмаларды жүктеді. Ол Елбасы Нұрсұлтан Назарбаевқа «Халық қаһарманы» атағын беруді ұсынды. 

Қазақстанның тұңғыш президенті Нұрсұлтан Назарбаевтың отставкаға кету туралы шешімі елдің болашағын шынайы ойлаумен қабылданған шешім, деп есептейді Қазақстан президенті Қасым-Жомарт Тоқаев. 

«Елбасының бұл ерікті шешімі жаһандық деңгейдегі және тарихи ауқымдағы саяси қайраткер ретіндегі ұлылығының айқын көрінісі. Бұл шешім біздің мемлекеттің келешегін шынайы ойлаудан туындаған шешім. Қазақстан қол жеткізген барлық жетістіктері мен табыстары, қасиетті тәуелсіздігі үшін президент Нұрсұлтан Назарбаевқа борышты», – деді Қасым-Жомарт Тоқаев парламент палаталарының бірлескен отырысында сөйлеген сөзінде.

Жаңалықтарға жазылу: