/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,00 Brent 36,55
Қасым-Жомарт Тоқаев: Халықаралық резервіміз – 90 млрд доллар

Қасым-Жомарт Тоқаев: Халықаралық резервіміз – 90 млрд доллар

Мемлекет басшысы экономика тұрақтылығын қамтамасыз етуге қажет резерв бар екенін мәлімдеді. 

16 Наурыз 2020 14:27 1670

Қасым-Жомарт Тоқаев: Халықаралық резервіміз – 90 млрд доллар

Президенттің айтуынша, әлемдегі экономикалық катаклизмдер ел ахуалына өз әсерін тигізіп жатыр. 

«Біз коронавирустың жаһандық экономикаға мейлінше кері әсер еткеніне куә болдық. Іс жүзінде бүкіл әлем экономикасын қайта форматтау туралы айтылып отыр. Қазақстан осынау орасан дағдарыстың әсерін сезініп отыр. Экономикалық катаклимздерге қарамастан, біз әлеуметтік шиеленіс пен жұмыссыздықтың артуына жол бермеу үшін барлық қажетті шараны қабылдаймыз. Елбасы Нұрсұлтан Әбішұлы Назарбаевтың көреген саясатының арқасында еліміздің халықаралық резервтері 90 млрд долларға жетті. Бұл экономикамыздың  тұрақтылығын қаматамсыз етуге және мемлекеттік әлеуметтік міндеттемелерін орындауға қажет маңызды кепіл», – деді Қасым-Жомарт Тоқаев телевизиялық Үндеуде.

Төтенше жағдай режимі ұзартылуы мүмкін

Базарлардың жұмыс режимін мемлекеттік комиссия бекітеді.

16 Наурыз 2020 15:26 293

Төтенше жағдай режимі ұзартылуы мүмкін

Мемлекет басшысы Қасым-Жомарт Тоқаев Қазақстан халқына арналған телевизиялық үндеуінде елде енгізілген төтенше жағдай режимінің мерзімі ұзартылуы мүмкін екенін айтты.

«Базарлардың жұмыс істеу режимін мемлекеттік комиссия жергілікті атқарушы органдардың ұсынысы незігінде белгілейді. Сондықтан қазақстандық заңнамаға сәйкес мен еліміздің аумағында төтенше жағдай енгізу туралы Жарлыққа қол қойдым. Төтенше жағдай режимі 2020 жылғы 16 наурыз күні таңғы сағат 8.00-ден басталып, 30 тәулікке жалғасады. Қажет болған жағдайда режим мерзімі ұзартылуы мүмкін», – деді Президент Қасым-Жомарт Тоқаев.

Төтенше жағдай: Жүк тасымалына тыйым салынбайды

Қасым-Жомарт Тоқаев шетелге шыққысы келетін азаматтарға шектеу шараларын түсіністікпен қабылдауды ұсынды.

16 Наурыз 2020 15:11 241

Төтенше жағдай: Жүк тасымалына тыйым салынбайды

«Қазақстан Республикасының аумағынан шығуға және кіруге шектеу енгізіледі. Бірақ жоғарыда аталған шаралардың жүк тасымалына қатысы жоқ. Шекарадан өткізу пунктерінде және әуежайларда санитарлық-эпидемиологиялық режим күшейтілді. Менің тапсырмам бойынша Үкімет резервінен дәрі-дәрмек пен тест-жүйелерді, зертханалық құралдарды алуға қажет қаражат бөлінді. Ел ауруханаларында төсек орындары жеткілікті. Мемлекеттік органдар сантиарлық-алдын алу және эпидемияға қарсы шараларды ұйымдастыру жоспарын дайындағанын айрықша атағым келеді», – деді Президент Қазақстан халқына жасаған телевизиялық Үндеуінде.