/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Қасым-Жомарт Тоқаев Омбыда Владимир Путинмен кездесті

Қасым-Жомарт Тоқаев Омбыда Владимир Путинмен кездесті

Қазақстан Президенті өңіраралық ынтымақтастық форумына қатысу үшін Омбыға ұшып келді.  

07 Қараша 2019 20:59 411

Қасым-Жомарт Тоқаев Омбыда Владимир Путинмен кездесті

Қасым-Жомарт Тоқаев пен Владимир Путин Омбыдағы екіжақты кездесу барысында мемлекеттер арасындағы қатынастарды дамытуда Өңіраралық ынтымақтастық форумдарын өткізудің маңыздылығын атап өтті, деп хабарлайды ҚазАқпарат.

 «Біздің Тұңғыш Президентіміз Нұрсұлтан Назарбаев пен сіздердің күш-жігерлеріңіздің арқасында бұл механизм толықтай іске қосылып, өңіраралық форум аймақтық деңгейде өзара әрекеттесудің тиімді құралы ретінде өзін жақсы жағынан көрсетті. Біздің елдеріміздің өңірлері арасындағы тауар айналымы – жалпы сауданың 10 пайызынан асуының өзі өте маңызды. Бұл көрсеткіштің өсіп келе жатқанын да атап өту керек», – деді Қазақстан Президенті.

Мемлекет басшысы өз сөзінде өндірістік кооперация мен ауыл шаруашылығы саласындағы ынтымақтастықта үлкен жетістіктерге қол жеткізілгенін айтты.

«Өз тарапымнан бұдан да жоғары нәтижеге жету үшін бар күшімді саламын. Өңіраралық ынтымақтастық форумы өте тиімді, жемісті, әрине, оны болашақта дамыту үшін бар күш-жігерімізді салуымыз керек», – деді Қасым-Жомарт Тоқаев.

Өз кезегінде Ресей президенті Владимир Путин өңіраралық ынтымақтастық форумы - бұл Қазақстан мен Ресейдің аймақтарын біріктіретін дәстүрлі шара екенін атап өтті.

«2003 жылы бұл шара дәл Омбыда басталған еді. Бұл тұрғыда бүгінгі кездесудің белгілі бір символизмі бар. Біздің елдер арасындағы қатынас табысты түрде бекіп келеді. Өткен жылы тауар айналымының өсімі 14 пайызды құрады. Инвестициялар да өсіп келеді. Енді бұл туралы көбірек сөйлесуге мүмкіндік аламыз. Біз үнемі кездесіп тұрамыз. Дегенмен, әрқашан біздің ерекше назарымызды талап ететін тақырыптар баршылық», – деді В.Путин.

Президент Алексей Леоновке көңіл айтты

Тарихта ашық ғарышқа тұңғыш шыққан адам, екі мәрте Кеңес Одағының батыры Алексей Леонов 86 жасында көз жұмды.  

12 Қазан 2019 13:37 521

Президент Алексей Леоновке көңіл айтты

Мемлекет басшысы Қазақстан халқының және өзінің атынан ұшқыш-ғарышкер, Кеңес Одағының екі дүркін батыры Алексей Леоновтың қайтыс болуына байланысты қайғыра көңіл айтты, деп хабарлайды Ақорданың баспасөз қызметі.

«Алексей Архипович өз ісінің нағыз шебері, әлемдік космонавтикада аты аңызға айналған тұлға еді. Ол Байқоңыр айлағынан ұшып, адамзат тарихында тұңғыш ашық ғарышқа шықты. Батыр Леонов ұлы мақсатқа жету жолында өз өмірін тәуекелге тігіп, бұған дейін өзгелердің қолынан келмеген ерлік жасады»,– делінген жеделхатта.

Путин Тоқаевты «Валдай» клубына шақырды

Биыл «Валдай» халықаралық пікірталас клубының жұмысына 37 елден, 140-тан астам сарапшы қатысады.

02 Қазан 2019 22:43 396

Путин Тоқаевты «Валдай» клубына шақырды

ҚР Президенті Қасым-Жомарт Тоқаев «Валдай» халықаралық пікірталас клубының отырысына қатысады, деп хабарлады Президентінің баспасөз хатшысы.

«Қазақстан Президенті Қасым-Жомарт Тоқаев Ресей Федерациясының Президенті Владимир Путиннің шақыруымен 3 қазанда Сочи қаласында өтетін «Валдай» халықаралық пікірталас клубының ХVI отырысына қатысады. Шара әлемдік саяси құрылымдағы Шығыстың рөлін талқылауға арналады», - деп жазды Берік Уәли facebook-тегі парақшасында.

Пікірталас барысында қазіргі әлемдегі геосаяси жағдайға Шығыстың ықпалы, Еуразия кеңістігіндегі саяси және экономикалық өзара іс-қимылдардың перспективалары, Таяу Шығыс мәселелері қаралатын болады.

Пленарлық сессиялар барысында Қазақстан мен Ресей басшыларынан басқа Әзербайжан Президенті Ильхам Алиев, Иордания Королі ІІ Абдалла және Филиппин Президенті Родриго Дутертенің сөз сөйлеуі жоспарланған.