/img/Group 538png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Қасым-Жомарт Тоқаев: Пандемияның зардабы әсіресе теңізге шығатын жолы жоқ дамушы елдерге қатты тиді

Қасым-Жомарт Тоқаев: Пандемияның зардабы әсіресе теңізге шығатын жолы жоқ дамушы елдерге қатты тиді

Қазақстан Президенті БҰҰ бастамасымен ұйымдастырылған форумға қатысаты.  

28 Мамыр 2020 23:05 182

Қасым-Жомарт Тоқаев: Пандемияның зардабы әсіресе теңізге шығатын жолы жоқ дамушы елдерге қатты тиді

Қазақстан Президенті «COVID-19 пандемиясы тұсында және одан кейінгі кезеңде дамуды қаржыландыру» атты жоғары деңгейде өткен шараға қатысты, деп хабарлайды Ақорданың ресми сайты.

Бейнеконференция форматындағы форум БҰҰ Бас хатшысы Антониу Гутерриштің, Канада Премьер-Министрі Джастин Трюдо мен Ямайка Премьер-Министрі Эндрю Холнесстің бастамасымен өтті. Аталған жиын COVID-19 індетінің салдарын жеңілдету және дағдарыстан кейінгі қайта қалпына келтіру жұмыстарына халықаралық іс-қимылдарды жұмылдыруға арналды.

Теңізге шығатын жолы жоқ дамушы елдер тобының төрағасы ретінде сөз сөйлеген Қасым-Жомарт Тоқаев әлемдік қоғамдастықтың назарын індеттің салдарына аудара отырып: «Пандемия барлық мемлекеттердің дамуына қауіп төндірді. Әсіресе сыртқы қаржыландыруы, сауда және инвестициясы азайған теңізге шығатын жолы жоқ дамушы елдерге оның зардабы көбірек тиді», – деді.

Осы орайда Мемлекет басшысы дамушы елдердің сыртқы қарыздарды және «цифрлық теңсіздікті» жою, таза ауызсуға, жасыл және заманауи агротехнологияларға қолжетімділікті қамтамасыз ету проблемаларын шешу үшін халықаралық іс-әрекеттерді жұмылдыруға шақырды.

Қасым-Жомарт Тоқаев Қазақстанның «БҰҰ-ның гуманитарлық көмек көрсетудің жаһандық жоспарын» іске асыруға және коронавирусқа қарсы күрес барысында бірқатар шет мемлекетке жасаған гуманитарлық қолдауын ерекше атап өтті. Мемлекет басшысы еліміздің жаһандық азық-түлік қауіпсіздігін қамтамасыз етуге, қақтығыстарды реттеуге және бейбітшілік орнатуға бейілді екенін нақтылады.

Форумға Германия, Франция, Оңтүстік Африка Республикасы, Жапония, Италия, Ұлыбритания, Пәкістан, Қырғызстан, Беларусь, Сауд Арабиясы және басқа да мемлекеттердің көшбасшылары, Халықаралық валюта қоры, Экономикалық ынтымақтастық және даму ұйымы, Дүниежүзілік банк жетекшілері, сондай-ақ, бірқатар халықаралық қаржы институтының басшылары қатысты.

 

Президент: Балаларға қолжетімді бұқаралық спортқа мойын бұрған жөн

Қасым-Жомарт Тоқаев Олимпиада ойындарын кейінге қалдыру туралы шешімді толық қолдайтынын жеткізді.  

25 Наурыз 2020 20:39 281

Президент: Балаларға қолжетімді бұқаралық спортқа мойын бұрған жөн

«Жапония премьер-министрі С.Абэ мен Халықаралық Олимпиада комитетінің Олимпиада ойындарын кейінге қалдыру туралы шешімін толық қолдаймын. Жалпы, Олимпиада ойындарының мән-маңызын қайта қарау қажет. Оған қыруар қаржы жұмсалады. Балаларға қолжетімді бұқаралық спортқа мойын бұрған жөн»,– деп жазды Мемлекет басшысы твиттердегі парақшасында.

Шымкент қаласы бойынша 12 блок-бекет қойылды

Үшінші мегаполисте коронавирус таралуының алдын алу мақсатында сақтық шаралары күшейтілді. 

25 Наурыз 2020 15:41 658

Шымкент қаласы бойынша 12 блок-бекет қойылды

Блок-бекеттерде полицейлер мен медицина мамандары тәулік бойы жұмыс істейді. Олар қалаға кіріп-шығатын әрбір көлікті тоқтатып, жүргізушілер мен жолаушыларды арнайы құрылғы көмегімен тексеруден өткізіп жатыр. 
Блок-бекеттер Ақжар, Жылан бұзған, Абдулабат, Өтеміс Шапырашты,  Қызылсу, Мәртөбе, Сиқым ауылы (А-2 айналма жолы), Бозарық айналма жолы,  Қайнарбұлақ саяжайы, Бадам айналма жолы, Көкбұлақ, Бадам көпірі маңына қойылған.

«Сақтық шаралары ең алдымен қала тұрғындарының қауіпсіздігін қамтамасыз ету үшін қажет. Блок-бекеттерде медицина мамандары халықты ақпараттандырып, азаматтардың қозғалысын бақылайды. Дәрігерлер жолаушылардың дене қызуын өлшейді. Қауіптің алдын алу мақсатында қолға алынған жұмыстар барысында полицейлер мен дәрігерлер қала  сыртындағы 12 блок- бекетте күшейтілген режимде жұмыс атқаруда»,– деді қала әкімдігіндегілер. 

Еске салсақ, кеше, 24 наурызда кешкі уақытта шымкенттік бір тұрғыннан коронавирус анықталды. Ол қалаға елордадан автобус арқылы келген. Шымкент қалалық денсаулық сақтау басқармасы басшысының міндетін атқарушы Тимурхан Варзиловтың айтуынша, онымен байланыста болған барлық азамат анықталып, бақылауға алынды. 

«Анықталған азаматтардың өміріне келер қауіп жоқ. Ал коронавирусты жұқтырған азаматтың жағдайы қанағаттанарлық. Біз қалада қауіпті індетті жұқтырғандар саны артпайды деп үміттенеміз. Ол бойынша сақтық шаралары тиісті деңгейде жүргізілуде»,– деді Тимурхан Варзилов. 

Жансая Тәуекелқызы