Қазақстан Республикасының Президенті Қасым-Жомарт Тоқаев Ресей Федерациясына ресми сапармен барды, деп хабарлайды ҚазАқпарат.
Бұған дейін Қазақстан Президенті "Российская газета" басылымына берген сұхбатында бүгінде қазақстандық-ресейлік қарым-қатынас мемлекетаралық байланыстардың эталоны ретінде қызмет ете алатындығын айтқан болатын.
Мемлекет басшысы сапары аясында РФ Президенті Владимир Путинмен келіссөз өткізеді. Келіссөз барысында саяси, сауда-экономикалық, мәдени-гуманитарлық салалардағы екіжақты ынтымақтастық мәселелері, сондай-ақ өзекті аймақтық және халықаралық тақырыптар талқыға түспек.
Сапар қорытындысында бірқатар екіжақты құжатқа қол қойылатындығы жоспарланған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
