Мемлекет басшысы Шри-Ланкада болған жарылыс салдарынан қайтыс болғандардың жақындарына көңіл айтты. Бұл туралы Қасым-Жомарт Тоқаев өзінің Тwitter-дегі парақшасында жазды.
"Бұл жағдайға байланысты қаза болғандардың жақындарына қайғырып көңіл айтамын. Терроризмде шекара жоқ. Әлемдік қоғамдастық бұл зұлымдыққа қарсы күш-жігерін біріктіруі керек", – деп жазды Қасым-Жомарт Тоқаев.
Айта кетсек, бүгін Шри-Ланкада сегіз жарылыс болып, құрбандар саны 190 адамға жуықтаған, ал жарақат алғандар саны 300-ден астам.
Бұл терактіні кім ұйымдастырғаны белгісіз болып отыр, әзірге ешбір лаңкестік топ мойнына алмады.
Еліміздің сыртқы істер министрлігі қаза тапқандар мен жарақаттанғандар арасында қазақстандықтар жоқтығын хабарлады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
