Қасым-Жомарт Тоқаев Тәжікстан Президентімен не туралы сөйлесті

Қасым-Жомарт Тоқаев Тәжікстан Президентімен не туралы сөйлесті

24 Маусым 2021 16:10 329

Қасым-Жомарт Тоқаев Тәжікстан Президентімен не туралы сөйлесті
Қазақстан Президенті Қасым-Жомарт Тоқаев Тәжікстан Президенті Эмомали Рахмонмен телефон арқылы сөйлесті, деп хабарлайды inbusiness.kz Ақорда сайтына сілтеме жасап.  

Президенттер Қасым-Жомарт Тоқаевтың биылғы 19-20 мамырда Душанбеге жасаған ресми сапарының қорытындысы бойынша қол жеткізген уағдаластықтардың жүзеге асырылу барысын қарастырды.   

Екі елдің көшбасшылары өзара сауда-саттықты ұлғайту, өнеркәсіп, ауыл шаруашылығы, энергетика, көлік және инфрақұрылым салаларындағы бірлескен жобаларды іске асыру мақсатында үкіметтердің уақытылы әрі тиімді іс-қимылдарының маңызды екенін айтты. 

Эмомали Рахмон Тәжікстанға гуманитарлық көмек көрсеткені үшін Қасым-Жомарт Тоқаевқа алғыс білдірді.

Мемлекет басшылары Ауғанстандағы ахуалдың шиеленісуіне байланысты өңірлік тұрақтылық пен қауіпсіздікті қамтамасыз ету мәселелерін талқылады. Тараптар екіжақты форматта да, көпжақты құрылымдар аясында да, соның ішінде, әскери-саяси сипаттағы бірлескен іс-қимылдарды үйлестіруге дайын екенін атап өтті.

Сондай-ақ алдағы кездесулер кестесі талқыланды.

163890

Ұқсас материалдар:

esep-komitetinin-mushesi-zhana-konstituciyalyk-merzimge-tagajyndaldy

senatta-zhogargy-sot-sudyalary-ant-berdi

byltyrgy-dagdarysta-kurylys-salasynda-gana-enbek-onimdiligi-edauir-osken

kr-premer-ministri-a-mamin-investiciyalyk-shtab-otyrysyn-otkizdi

onirlerdegi-akimdikter-14-mlrd-tenge-igermegen

загрузка

×