/img/tv1.svg
RU KZ
Қасым-Жомарт Тоқаев Украина Президентіне көңіл айтты

Қасым-Жомарт Тоқаев Украина Президентіне көңіл айтты

Мемлекет басшысы Украинаның Харьков облысында ұшақ апаты салдарынан украиндық әскерилердің қаза болғаны туралы хабарды зор күйзеліспен қабылдады. 

26 Қыркүйек 2020 15:21 242

Қасым-Жомарт Тоқаев Украина Президентіне көңіл айтты

Қасым-Жомарт Тоқаев Украина Президенті Владимир Зеленскийге көңіл айту жеделхатын жолдады, деп хабарлайды Ақорда.

Мемлекет басшысы Украинаның Харьков облысында ұшақ апаты салдарынан украиндық әскерилердің қаза болғаны туралы хабарды зор күйзеліспен қабылдады.

«Орны толмас қайғыға ортақтаса отырып, Қазақстан халқының және жеке өзімнің атымнан қаза болған курсанттардың туған-туысқандарына көңіл айтамын. Зардап шеккендердің тезірек сауығып, отбасыларымен қауышуына тілектестік білдіремін», – делінген жеделхатта.

Киевте Қазақстан-Украина бизнес форумы өтті

Екі күн бойы екі елдің бизнес өкілдері 150 жуық B2B форматында кездесу өткізді.

21 Қыркүйек 2019 17:20 758

Екі елдің жүзден астам іскер топ өкілдері қатысқан форум барысында қос тараптың инвестициялық әлеуеті таныстырылып, екі жақты ынтымақтастық пен оларды дамыту жолдары талқыланды, деп хабарлайды Хабар24 телеарнасы.

Қос тараптың іскер топ өкілдері - тамақ және жеңіл өнеркәсіп, машина құрастыру, фармацевтика, химия әрі электротехника саласының өнімдерін өзара алып сату бойынша уағдаластыққа қол жеткізді.  Әлбетте, іскерлік  байланыстың бастауы – екі ел арасындағы достық екенін еске салды елші.

«Қазақстан мен Украина арасында ешқандай саяси және экономикалық текетірес жоқ. Біз стратегиялық серіктес елдерміз. Жүзден астам мемлекетаралық келісім шарт жұмыс жасайды. Сондықтан біз сауда байланысын арттырып, ынтымақтастықты дамытуға мүдделіміз», - деді Қазақстанның Украинадағы төтенше және өкілетті Елшісі Самат Ордабаев.

Құрамы 80 пайызға жаңарған Украина Парламенті қызметіне жақында кіріскені рас. Жаңа Үкімет бағытын Еуропамен ынтымақтастыққа бұрғанмен, Орталық Азияның көшбасшы елі – Қазақстанмен байланысын бекемдей түскенді жөн көреді.

Зеленский сыртқы саясатты түзеп алуға ден қойды

Шілдеде парламент сайлауын өткізетін ел сыртқы байланысын жедел пысықтап жатыр.

31 Мамыр 2019 11:13 374

Франция мен Германия Украинаның шығысындағы шиеленісті тоқтатқысы келеді. Зеленскиймен кездескен аталған елдердің сыртқы істер министрлері Донбастағы кикілжіңді «Минск» келісімі негізінде тоқтатуға болатынын айтты. Сол үшін олар қатарына Ресейді қосып, «Норманд форматындағы» кездесу өткізуді жоспарлап отыр, деп хабарлайды Atameken Business.

Мұндай басқосу соңғы жылдары өткен жоқ. Осыдан 5 жыл бұрын қабылданған «Минск» келісімі негізінде Донецк және Луганск облыстарына «ерекше мәртебе» берілген. Ол жерде өтетін сайлауды халықаралық бақылаушылар қадағалайды.

Соңғы 4 жылда аталған аймақтағы қарулы қақтығыс саябырлағанмен, Украинаның шығысында тыныштық орнаған жоқ. Батыс елдері оған Ресейді кінәлайды. Сол үшін санкцияны күшейтіп отыр. Ал Кремль болса, Донбастағы сепаратистермен Украина өзі келісім орнату керек деп санайды. Сол себепті шілдеде парламент сайлауын өткізетін ел сыртқы байланысын жедел пысықтап жатыр.

«Украина президентінің айтуынша, ең маңызды мәселе ол – бейбітшілік. Біз оны қолдаймыз. Сарапшыларымызбен ақылдасып, осы уақытқа дейін дағдарып қалған байланысты реттеп, бейбіт келісімдерді жандандыратын боламыз»,– дейді Германияның сыртқы істер министрі Хайко Маас.