/img/tv1.svg
RU KZ
Қасым-Жомарт Тоқаев Үндістан үкіметі мен халқына көңіл айтты

Қасым-Жомарт Тоқаев Үндістан үкіметі мен халқына көңіл айтты

Қазақстан Республикасының Президенті Қасым-Жомарт Тоқаев Кералада болған ұшақ апатына байланысты Үндістан үкіметі мен халқына көңіл айтты. 

08 Тамыз 2020 13:25 181

Қасым-Жомарт Тоқаев Үндістан үкіметі мен халқына көңіл айтты

«Кералада болған ұшақ апатының салдарынан көптеген адамның қаза болуына байланысты Үндістан халқына, Үкіметіне және жеке Үндістан премьер-министріне қайғырып көңіл айтамын», - деп жазды Мемлекет басшысы өзінің Twitter-дегі парақшасында.

 

Жер бетіндегі жасыл желектің үштен бірін Үндістан мен Қытай жайқалтып отыр

Бұл екі ел орманын да алқабын да «жасылдандыра» түскен.     

20 Ақпан 2020 12:40 424

Қытайдағы жасыл белдеудің 25%-ы әлі жас, жақында егілген. Көрші ел 2035 жылға қарай көрсеткішті 38%-ға жеткізбек. Бұл мәліметті БҰҰ өзінің Твиттердегі парақшасында жариялады.

Қызық жайт, Ресейдің экспорттық орталығының дерегіне сүйенсек, Қытай 2018 жылы Ресейден ағаш пен орман өнімдерін 3,8 миллиард долларға импорттаған көрінеді. Ресей билігін қытайлықтардың орманды заңсыз шабу фактілері алаңдатқан болатын. Кей мәліметтер бойынша, Сібір ормандарынан заңсыз сатылатын орман өнімдерінің көлемі жалпы экспорттың 40%-на дейін жетеді екен. 2018 жылы Ресейдің табиғи ресурстар министрі Дмитрий Кобылкин Бейжің бұл мәселені шешпесе, Қытайға ағаш экспорттау  тоқтатайтынын мәлім еткен еді. 

 

Үндістанда әл-Фарабидің 1150 жылдығы атап өтіледі

Нью-Делиде Дж. Неру атындағы Университетте Шығыстың көрнекті ойшылы Әбу Насыр әл-Фарабидің 1150 жылдығына арналған дөңгелек үстел өтті.

18 Ақпан 2020 16:21 547

Қазақстанның Үндістандағы Елшісі Ерлан Әлімбаев өз сөзінде әл-Фарабидің мерейтойы ЮНЕСКО-ның атаулы күндер мен оқиғалар күнтізбесіне енгізілгенін және оны Делиде мерекелеу ұлы ғалымның Дүниежүзілік мұрасын зерттеуге және зерделеуге қуатты серпін беретінін атап өтті, деп хабарлайды СІМ баспасөз қызметі.

Іс-шараға қатысқан әл-Фараби атындағы Қазақ ұлттық университетінің делегациясы қатысушыларды ғалымның өмірі мен еңбектерімен таныстырды.

Дөңгелек үстелде сөз сөйлеген жергілікті академиялық орта өкілдері мен Үндістанның ғылыми орталықтары мен институттарының басшылары Әбу Насыр әл-Фарабидің мұрасының маңыздылығын атап өтіп, осындай оқиғалардың екі елдің мәдениетін жақындастыру үшін маңыздылығын атап өтті.

Бұл іс-шара әл-Фарабидің 1150 жылдығына арналған Үндістандағы мерекелердің бастауы болды.