/img/tv1.svg
RU KZ
FTSE 100 5 671,96 РТС 1 014,44
Hang Seng 23 497,47 KASE 2 224,17
DOW J 22 150,39 Алтын 1 602,90
Қасым-Жомарт Тоқаев: жаһандық саясатта Орталық Азияның рөлі артады

Қасым-Жомарт Тоқаев: жаһандық саясатта Орталық Азияның рөлі артады

Мемлекет басшысы қауіпсіздік жөніндегі 56-шы Мюнхен конференциясының панельдік сессиясында «Географиялық орналасудың маңызы: Орталық Азия туралы әңгіме» тақырыбында сөз сөйледі.  

16 Ақпан 2020 12:19 287

Қасым-Жомарт Тоқаев: жаһандық саясатта Орталық Азияның рөлі артады

Ауғанстан Президенті Ашраф Ғани да пікірталасқа спикер ретінде қатысты. Іс-шараға америкалық дипломат, Халықаралық байланыстар жөніндегі кеңес президенті Ричард Натан Хаас модераторлық етті, деп хабарлайды akorda.kz.

Іс-шара қызу пікірталас форматында өтті. Спикерлер модератордың сұрақтарына жауап беріп, Орталық Азиядағы қауіпсіздікті қамтамасыз ету жөніндегі ойларын ортаға салды.

Мемлекет басшысы өңірдің алатын орны туралы айта келе, Орталық Азияның жаһандық геосаясаттағы рөлі арта түсетінін атап өтті.

Қасым-Жомарт Тоқаев форумға қатысушыларға Қазақстанның сыртқы саяси басымдығы және еліміздің Ресеймен, Қытаймен, Еуроодақпен, АҚШ-пен, сондай-ақ, Ауғанстанмен өзара қарым-қатынастары туралы әңгімеледі.

Өңірдегі қауіпсіздікті қамтамасыз ету мәселесі арнайы тақырып ретінде талқыланды. Мемлекет басшысы есірткі тасымалына қарсы күрес жөніндегі шараларға, Қазақстанның терроризмге қарсы іс-қимылдарға қосқан үлесіне, «Жусан», «Русафа» операцияларының қорытындыларына егжей-тегжейлі тоқталды.

Сонымен қатар Қасым-Жомарт Тоқаев жиынға қатысушыларға өзінің президенттігінің басымдықтары, еліміздегі саяси және экономикалық реформалардың негізгі бағыттары туралы айтып берді. Осы ретте Президент экономиканы әртараптандырудың, инновациялар мен цифрландыруды дамытудың аса маңызды екеніне назар аударды.

Сессияның соңында Мемлекет басшысы жиынға қатысушылардың сұрақтарына жауап берді.

inbusiness.kz-ті қараңыз, оқыңыз :

Еуропа елдері Орталық Азиядағы құрғақшылықпен күреске 40 млн еуро жұмсады

Мамандардың айтуынша, Орталық Азияда соңғы 30 жылда температура бірден көтеріліп, құрғақшылық болып жатыр. 

18 Ақпан 2020 17:02 137

 Еуропа елдері Орталық Азиядағы құрғақшылықпен күреске 40 млн еуро жұмсады

Орталық Азиядағы климаттың өзгеруімен күресу шараларын Еуроодақ қаржыландыруда.  Мәселен, биыл аймақта «Жасыл Орталық Азия» жобасы іске қосылмақ, деп хабарлайды Atameken Business.

Жаңа бағдарлама шеңберінде бұрын басталған экологиялық жобалар жүзеге асырылады.

Мамандардың айтуынша, Орталық Азияда соңғы 30 жылда температура бірден көтеріліп, құрғақшылық болып жатыр. Бұл мәселеге Еуроодақ алаңдаулы. Құрғақшылық зардабын жою үшін кәрі құрлық елдері соңғы 10 жылда аймаққа 40 млн еуро құйған.

Еске салсақ, Еуроодақтың 2021-2027 жылдарға арналған бюджетінің 25 пайызын климаттық проблемаларға жұмсау жоспарланған.

Есірткі бізде өскенімен, сыртта өңделеді – Ауғанстан өкілі

Ауғанстан трансшекаралық өзендерді ақылмен пайдалануды ұсынып отыр.

09 Қазан 2019 10:18 305

Есірткі бізде өскенімен, сыртта өңделеді – Ауғанстан өкілі

Елордада өтіп жатқан ЕҚЫҰ-ның Ауғанстан бойынша дөңгелек үстелінде Ауғанстанның  қауіпсіздік және шекаралық серіктестік жөніндегі департамент директоры Мохаммад Файзи өздері үшін өзекті болып отырған мәселелерді атады.

«Ауғанстан аумағындағы есірткі алқаптары халықаралық қауымдастықтың бас ауруына айналғаны шындық. Бірақ есірткі бізде өскенімен, оны өңдейтін зертханалар Ауғанстаннан тыс аумақтарда орналасқан. Халықаралық нарықта есірткіге деген сұраныс жоғары. Талибанмен байланысты ұйымдар сондықтан есірткі өндіруге мүдделі. Біз өз тарапымыздан есірткі айналымының жолын кесу үшін Түркіменстан, Қырғызстан, Тәжікстан сияқты Орталық Азия елдерімен шекаралық байланыстарды нығайтып жатырмыз. Соғыс онжылдықтар бойы жалғасып келеді. Ел аумағынан өзге елдердің әскері шыққан кезде Ауғанстан ішкі тұрақтылықты өзі қамтамасыз етуге жауапты болады. Әскердің шығуы біздегі бейбітшілікке кепілдік бола алмайды», – деген Ауғанстан өкілі Орталық Азиядағы гидроллогия мәселесіне де тоқталды.

«Ауғанстан үшін Орталық Азиядағы гидрология мәселесі өте өзекті. Экономиканы дамытып, елдің өмір сапасын жақсарту үшін әуелі ауыл шаруашылығын жолға қоюымыз керек. Бұл тұрғыда су ресурстарын бірлесіп пайдалану, трансшекаралық өзендерді тиімді игеру жұмыстарын жетілдіру керек. Ауғанстан тұрақтылыққа бет алған сайын суға деген сұраныс арта бермек. Түркіменстан сияқты елдермен ортақ өзендерді келісіп пайдалану мәселесін жаңа деңгейде қарау қажеттігі туып тұр», – деді Мохаммад Файзи.

Есімжан Нақтыбайұлы

Жаңалықтарға жазылу: