/img/tv1.svg
RU KZ
KASE 2 381,23 Hang Seng 27 610,72
FTSE 100 7 475,33 DOW J 29 348,20
РТС 1 539,70 Бидай 560,20
Каталонияның ұлттық күнінде Барселонада митинг өтті

Каталонияның ұлттық күнінде Барселонада митинг өтті

Тәуелсіздікті жақтаушылар парламентке баса-көктеп кірмекші болған. Бірақ полицейлер наразы топты үкіметтік ғимарат маңынан қуып жіберген. 

12 Қыркүйек 2019 13:37 106

Каталонияның ұлттық күнінде Барселонада митинг өтті

Бұған дейін ереуілшілер Испанияның байрағын өртеп, көшеде бүлік шығарған болатын. Euronews дерегі бойынша, митингке шамамен 600 мыңға жуық адам жиналған. Өткен жылмен салыстырғанда биыл бас көтерушілердің саны азайып отыр. 2018 жылы миллионға жуық белсенді наразылығын білдіру үшін қала көшелеріне шыққан еді. 

Биылғы ереуіл Испания үкіметінің каталониялық саясаткерлерге қатысты үкім шығаруы қарсаңында өткізіліп отыр.

Саясаткерлер автономияның Испаниядан бөлінуін қолдайтын топқа жетекшілік еткен. Олар бірнеше жылға бас бостандығынан айырылуы мүмкін. 

Айта кетейік, Каталония – Испанияның басқа өңірлеріне қарағанда экономикасы әлдеқайда алға басқан аймақ. 7 миллиондай тұрғыны бар. Олардың бәрі ана тілінде сөйлейді. Каталондықтардың өз тәуелсіздігін алуға деген ұмтылысы 2012 жылғы экономикалық дағдарыстан кейін күшейген.

Табиғат Нұрболат
 

inbusiness.kz-ті қараңыз, оқыңыз :

Бейбіт митинг өткізуге кедергі келтірудің қажеті жоқ – Президент

Мемлекет басшысы конституциялық емес әрекетке шақыратын және бұзақылық шаралар заң аясында тоқтатылатынын басып айтты.

02 Қыркүйек 2019 12:24 320

Бейбіт митинг өткізуге кедергі келтірудің қажеті жоқ  – Президент

Қазақстан Президенті Қасым-Жомарт Тоқаев бейбіт митинг өткізуге кедергі келтірудің қажеті жоқ деп санайды және ол жергілікті шенеуніктерді заңды шаралар үшін жерді шет аймақтан бөлмеуге шақырады.

«Егер бейбіт шеру заңды бұзып, азаматтардың тыныштығын бұзбаса, рұқсат берілуі тиіс. Заңда белгіленген тәртіп бойынша, қаланың шетінде емес, бұл үшін арнайы орындар бөліну керек», – деді Тоқаев Қазақстан халқына жыл сайынғы жолдауында.

Сондай-ақ ол конституциялық емес әрекетке шақыратын және бұзақылық шаралар заң аясында тоқтатылатынын басып айтты.

 

Астанада рұқсат етілмеген митинг өтті

Әзірге ресми органдар тарапынан түсіндірме берілген жоқ. 

06 Шілде 2019 20:41 532

Астанада рұқсат етілмеген митинг өтті

Әлеуметтік желілерде елорда күнінде Нұр-Сұлтанда ондаған адамның топталып, көше бойлап келе жатқандығы, оларды полиция қызметкерлері таратуға тырысқаны түсірілген видео пайда болды.

Оқиғаға қатысты әзірге ресми органдар тарапынан түсіндірме берілген жоқ. Дегенмен бұған дейін атышулы Мұхтар Әбіләзовтың 6 шілдеде азаматтарды жаппай наразылық шарасына шақырғаны, оған қатысқандардың жазаланатыны туралы бас прокуратурадан хабарланған еді.

Жаңалықтарға жазылу: