"Бәйтерек" ұлттық басқарушы холдингі" АҚ басқарма төрағасының бірінші орынбасары Нұрболат Айдапкелов Сенат кулуарында Bereke Bank-ті қатарлық инвесторлардың сатып алуына қатысты пікір білдірді, деп хабарлайды inbusiness.kz сайты.
Тілшілер спикерден "Сіз бұл мәмілені қалай бағалайсыз?" деп сұрады.
"Қазір айтылып жатқан сома (ред. – 65 млрд теңге) бұл жақсы пайда. Бас банкпен келісім бар, өзара есепке алу аясында осы мәмілені жасадық",- деп қысқа қайырды "Бәйтерек" ұлттық басқарушы холдингі" АҚ басқарма төрағасының бірінші орынбасары.
Журналистер қатарлық инвесторлардың шарттары қандай болды деп нақтылады. Спикер ресми сұрау салу арқылы мәміле туралы егжей-тегжей мәлімет алуға болатынын жеткізді.
Айта кету керек, жақында қатарлық Lesha Bank инвестициялық банк Bereke Bank-ті 65 млрд теңгеге сатып алған болатын.
