"ҚазАгро" мен "Бәйтерек" біріктіріліп құрылатын жаңа ұлттық компания наурыздан бастап дербес жұмысына кіріседі, деп хабарлайды Аtameken Business.
Әзірге қос компания Үкіметке жеке-жеке ұсынысы жасалған жол картасын әзірлеп жатыр. Ол алдағы аптады аяқталып қалмақ. Дегенмен қазір "Бәйтеректің" алдында ішкі құрылымдау шарты тұр. Барлығы 11 еншілес компаниясын ол 2 есеге қысқартуы қажет. Ал "ҚазАгро" құрылымдауын жүргізіп қойған. 7 еншілес компаниядан қазір 3-еуі ғана қызмет істейді. Сондай-ақ бірігетін қос қомпания қаржылық портфелін де реттеп жатыр. Қарашөкеевтің айтуынша, "ҚазАгро"-ның қарызы 744 млрд теңгені құрайды. Оны өтеу мерзімі 2032 жылға дейін деп жоспарланған. Енді бұл борыш толығымен "Бәйтерек"-тің мойнына артылмақ. Себебі жаңа құрылатын холдингке осындай атау беріледі.
