Алматыдағы Балуан Шолақ атындағы спорт кешенінде спорттық жекпе-жек және күш қолданылатын спорт түрлерінен Конфедерация кубогі жалғасуда. Қазақ күресінен Қарағанды облысының балуандары жеңімпаз атанды деп хабарлайды Olympic.kz.
Финалда Қарағанды облысы мен Алматы қаласының командалары кездескен болатын. Шешуші жекпе-жекте қарағандылық балуандар 5:3 есебімен жеңіске жетті.
Қарағанды облысы сапынан Дәулет Ниетбай, Еламан Қуанбай, Қайрат Ағыбаев, Қайырғали Төлепберген, Әбдіқасым Саханов, Бекзат Ахметбековтер қарсыластарынан басым түсті.
Қазақ күресінен жеңімпаздар мен жүлдегерлер тізімі төмендегідей:
1. Қарағанды облысы
2. Алматы қаласы
3. Астана қаласы
Еске сала кетейік, бокстан Конфедерация кубогін Маңғыстау облысы иеленді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
