/img/tv1.svg
RU KZ
«Қазақалтын» кенішінде 33 жастағы жұмысшы мерт болды

«Қазақалтын» кенішінде 33 жастағы жұмысшы мерт болды

Өндірістік жұмыстар кезінде топырақ опырылып кеткен.

18 Қазан 2020 17:00 125

 «Қазақалтын» кенішінде 33 жастағы жұмысшы мерт болды

 «Қазақалтын» кенішінде 33 жастағы жұмысшы топырақ астында қалып, мерт болды, деп хабарлайды ҚазАқпарат облыстық төтенше жағдайлар департаментінің баспасөз қызметіне сілтеме жасап.

Ведомствоның мәліметінше, оқыс оқиға «Қазақалтын» тау-кен металлургия комбинаты» АҚ Бестөбедегі кенішіндегі жаңа шахтада болған.

Қазанның 17-де өндірістік жұмыстар кезінде топырақ опырылып кетті. Салдарынан кәсіпорынның 1987 жылғы жұмысшысы топырақтың астында қалып қойған.

«Оқиға сағат 12:30 орын алды. Сол кезде «Қазақалтын» тау-кен металлургия комбинаты» АҚ құтқару отряды ер адамды топырақ үйіндісінің астынан алып шықты. Алайда, ол Степногор қалалық ауруханасында көз жұмды», - дейді Степногор қалалық ТЖ басқармасының бастығы Еркебұлан Есенжолов.

Қазіргі кезде кеніш штаттық режимде жұмыс істеп тұр. Төтенше жағдайдың себебі анықталып жатыр.

1 799 адам Нұр-Сұлтанды қардан тазартуда

Нұр-Сұлтанда қар қалың жауғандықтан, қаланың коммуналдық қызметі күшейтілген режимде жұмыс істеуде. 

22 Желтоқсан 2019 16:45 514

Бүгінгі күндізгі ауысымға 1142 техника бірлігі мен 1 799 жол жұмысшысы жұмылдырылды, деп хабарланды әкімдіктің ресми сайтында.

«21 желтоқсанның түнгі ауысымына 938 техника бірлігі мен 264 жол жұмысшысы жұмылдырылып, қар тиелген жүк көліктері қала сыртына 2 116 рейс жасады. Кеше түнде елордадан 25 394 текше метр қар шығарылды. Жалпы, осы уақытқа дейін полигонға 79 545 рейс жасалып, елордадан 954 540 текше метр қар шығарылды»,– делінген хабарламада.

Мамандар өткен жылға қарағанда биылғы қыста қар қалың жауады деп ескертуде. «Қазгидромет» РМК-ның мәліметінше Нұр-Сұлтанда жауған қардың қалыңдығы – 60 см.

Шетелден жұмысшы тартуға берілетін квота қысқартылады

Сондай-ақ, өзге елдің азаматтарын еңбекке жұмылдырып отырғандарға бақылау күшеймек.  

20 Желтоқсан 2019 22:07 765

Елімізге шетелден жұмыс күшін тартуға берілетін квота қысқарады, деп хабарлайды Atameken Business.  

Президент Қасым-Жомарт Тоқаевтың айтуынша 2020-шы жылдан бастап ол 49 мыңнан 19 мыңға азайтылмақ. Мемлекет басшысының сөзіне сенсек 250-ден астам жұмысшысы бар және шетелден 30-дан артық еңбек етушіні тартқан әр кәсіпорын жыл сайын тексерілетін болады.