DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 318,89 Brent 36,55
«Қазақмыс»: 100-ге жуық жұмысшыдан коронавирус анықталды

«Қазақмыс»: 100-ге жуық жұмысшыдан коронавирус анықталды

Бір күнде қауіпті індетті 130 адам жұқтырған.

22 Мамыр 2020 22:38 320

«Қазақмыс»: 100-ге жуық жұмысшыдан коронавирус анықталды

«Қазақмыс» корпорациясына қарасты «Нұрқазған» кенішіндегі жұмысшылардан тағы да коронавирус анықталды, деп хабарлайды Atameken Business. 

Өңірлік бас санитар дәрігер Қанат Асқаровтың айтуынша, бір күнде қауіпті індетті 130 адам жұқтырған.

Қазір өндіріс тоқтап тұр. Ал науқастармен байланыста болған 1500-ден аса адам тексерістен өтуде. Аймақтың бүгінгі жай-күйі туралы телеарна тілшісі Айзат Қайырлыбекқызы баяндайды:

inbusiness.kz-ті қараңыз, оқыңыз :

Қарағанды облысының бас санитарлық дәрігері арзан турпакеттерге қызықпауға шақырды

Қарағанды медициналық мекемесінде шетелге сапар кезінде инфекция жұқтырған ер адам мен әйел емделуде. 

21 Наурыз 2020 16:37 197

Қарағанды облысының бас санитарлық дәрігері арзан турпакеттерге қызықпауға шақырды

Қарағанды облысының Тауарлар мен қызметтердің сапасы мен қауіпсіздігін бақылау департаментінің басшысы Қанат Асқаров аймақ тұрғындарына үндеу жолдады. Бас мемлекеттік санитарлық дәрігер қарағандылықтарды Наурыз мейрамын шағын отбасылық шеңберде атап өтуге шақырды. Ол сондай-ақ алыс сапарлардан бас тартуды сұрады, деп хабарлайды әкімнің баспасөз қызметі.

«Біздің елімізде коронавируспен күрес: қозғалыс аз болған сайын, таралу азырақ деген үндеумен өтуде. Сіздерді Наурыз мерекесін туған-туыстар мен жақындар арасында өткізуге, адамдар көп шоғырланатын орындарға бармауға, облыстан тыс жерлерге алыс сапарларды жоспарламауға шақырамын. Коронавирустық инфекциямен ауырғандар арасында жағдайы қолайсыз елдерге барған адамдар бар. Денсаулық сақтау министрлігінің бірнеше рет ұсынымдарына қарамастан, азаматтар жолдама бойынша барып қайтты. Тағы да өтінерім: төмен бағаға қызықпаңыздар. Арзан турлар сіздің жақындарыңыздың денсаулығы мен өмірінен артық емес!, – деді Қанат Асқаров тікелей эфирде өткен баспасөз мәслихатында.

Естеріңізге сала кетейік, Қарағанды медициналық мекемесінде шетелдік сапар кезінде жұқтырған ер адам мен әйел емделуде. Департамент басшысының айтуынша науқастардың жағдайы қанағаттанарлық, олар барлық қажетті препараттар мен процедураларды алады.

Облыста коронавирустық инфекцияның жағдайы бақылауда, деп атап өтті ол. Санитарлық дәрігерлер алдын алу және эпидемияға қарсы іс-шаралардың орындалуын қадағалайды.

«Қазақмыстың» бас директоры пышақ жарақатын алды

«Қазақмыс корпорациясы» ЖШС маманы да жарақат алған.

22 Қаңтар 2020 08:28 245

«Қазақмыстың» бас директоры пышақ жарақатын алды

Жезқазған қаласындағы «Қазақмыс» корпорациясының кеңсесінде кәсіподақ ұйымының төрағасы кәсіпорынның бас директорына және дамыту жөніндегі директорға өзара қақтығыстан соң пышақ салған. Кейін ол өзі пышақ жарақатынан көз жұмды, деп хабарлайды ҚазАқпарат.

21 қаңтар сағат 18.20-да Қарағанды облысының Жезқазған қаласындағы «Қазақмыс корпорациясы» ЖШС директорының кабинетінде туындаған ұрыс-жанжал барысында кәсіподақ ұйымының төрағасы Тоғызбай Тәжбенов компания бас директоры Минигуловтың арқасынан пышақпен жарақаттаған және сол жақ кеуде тұсынан кесілген жарақат салған. Сондай-ақ «Қазақмыс корпорациясы» ЖШС маманы Сабыржан Тембаевқа да пышақ салған.

«Содан кейін куәгерлердің айтуынша, ол сол жақ кеуде қуысына пышақ жарақатын салып, оқиға орнында көз жұмды. Минигулов пен Тембаев ауруханаға жатқызылды. Аталған факті бойынша тергеу амалдары жүріп жатыр»,-деп хабарлады Қарағанды облысы ПД баспасөз қызметі.

Жаңалықтарға жазылу: