2018 жылы "Қазақмыс Холдинг" ЖШС 238,858 мың тонна катодты мыс өндірді. Бұл көрсеткіш өткен жылдың сәйкес кезеңінен (2017 жыл) 5,1 мың тоннаға артық.
3112 кг алтын құймалары өндірілді, өткен жылдың сәйкес кезеңінде 2250 кг (2017жыл), өсім – 862 кг.
Кендегі мыстың орташа мөлшері жыл қорытындысы бойынша 0,94%, жоспарланғаннан 1,1% жоғары болды.
Жалпы, 2018 жылы "Қазақмыстың" байыту фабрикалары 30,0 миллион тонна кен өңдеді.
Биыл "Қазақмыс Холдинг" ЖШС 238,6 мың тонна катодты мыс өндіруді жоспарлап отыр.
"Өткен жылдағы басты оқиғалардың бірі – Жезқазған мыс балқыту зауытындағы екінші кен қыздыру пешінің іске қосылуы. Екі пешті қолдану арқылы қосымша тағы да Бозшакөл және Ақтоғай перспективалық кен орындарынан алынған өнімді өңдей аламыз. Экологияға зиян келтірмей, жоспарлы қуатқа шығу Жезқазған мыс балқыту зауытына жаңа күкірт қышқылы цехының құрылысын салуға мүмкіндік береді. Ол екі бірдей кен балқыту пештерімен байланыста жұмыс істейді", – деп атап өтті "Қазақмыс корпорациясы" ЖШС басқарушы кеңесінің бас директоры Бақтияр Қырықпышев.
