/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 400,36 Brent 36,55
«Қазақмыс» көпбалалы қызметкерлерін баспанамен қамтуды міндетіне алды

«Қазақмыс» көпбалалы қызметкерлерін баспанамен қамтуды міндетіне алды

Компания олар үшін 120 пәтер сатып алады. Оның ішінде 46 отбасы қоныс тойды биыл тойлайтын болады.

25 Мамыр 2019 12:35 348

«Қазақмыс» көпбалалы қызметкерлерін баспанамен қамтуды міндетіне алды

ҚР еңбек және халықты әлеуметтік қорғау министрлігі, Қарағанды облысының әкімдігі және «Қазақмыс Холдинг» ЖШС арасында үшжақтық меморандум түзілді. Құжатқа министр Бердібек Сапарбаев, облыс әкімі Ерлан Қошанов және компанияның директорлар кеңесінің төрағасы Эдуард Огай қол қойды, деп хабарлады министрліктік баспасөз қызметі.

Құжатта көрсетілгендей, «Қазақмыс» компаниядағы көпбалалы қызметкерлер мен аз қамтылған қызметкерлерді, жас мамандарды тұрғын үймен қамтамасыз етуді міндетіне алады. Компания олар үшін 120 пәтер сатып алады. Оның ішінде 46 отбасы қоныс тойды биыл тойлайтын болады.

«Еліміздің Тұңғыш Президентінің тапсырмасы бойынша министрлік бизнес-қауымдастықпен және ірі кәсіпорындармен бірлесіп әлеуметтік жобаларды іске асыру бойынша жұмыс жүргізуде. Осылайша, 2018 жылы жалпы сомасы 90 млрд.теңгеге 700-ден астам меморандум жасалды. Жалпы, соңғы 10 жылда бизнес-құрылымдар әлеуметтік жауапкершілік аясында әлеуметтік жобаларға, демеушілік пен қайырымдылыққа 300 млрд. теңгеден астам қаражат бөлді», – деп атап өтті министр.

«Қазақмыс Холдингі» ЖШС директорлар кеңесінің төрағасы Эдуард Огай науқан атаулы және жүйелі түрде көрсетілетін әлеуметтік көмек болатынын хабарлады.

«Атап айтқанда, жаңа пәтерлерді тек Жезқазған қаласының тұрғындары ғана емес, сонымен қатар Сәтбаев, Балқаш және басқа да елдімекендерінде біздің кәсіпорындарда жұмыс істейтін қызметкерлер алады. Біздің тағы бір міндетіміз – қызметкерлеріміздің отбасыларына денсаулықтарын қалпына келтіруге, білім алуға жәрдемдесу», – деді Эдуард Огай.

Меморандумға қол қойылған соң 4-8 балалары бар 10 отбасыға пәтер кілттері табыс етілді.

БҚО-да «Мейірімді көктем» қайырымдылық шарасы басталды

Оралдық кәсіпкер өздері салған көпқабатты жаңа үйден 7 бала тәрбиелеп отырған Бүркітовтер отбасына 3 бөлмелі пәтер сыйлады.

26 Ақпан 2019 08:08 616

БҚО-да «Мейірімді көктем» қайырымдылық шарасы басталды

Батыс Қазақстан облысында «Мейірімді көктем» қайырымдылық шарасы басталды, деп хабарлайды 24.kz.

Мақсат – мұқтаж жандарға қолдау көрсету.

Акция аясында өңірдегі кәсіпкерлер мен мекеме-ұйымдар қамқорлыққа зәру отбасыларға жәрдемдеседі.

Оралдық кәсіпкер өздері салған көпқабатты жаңа үйден 7 бала тәрбиелеп отырған Бүркітовтер отбасына 3 бөлмелі пәтер сыйлады. Бұл отбасы 16 жыл бойы пәтер жалдап келген. Үйде отағасы ғана жұмыс істейді. Балаларының алды 10 сыныпта оқиды, кенжесі небәрі 2 жаста.

Қаланың қақ ортасындағы бұл көпқабатты үй мемлекеттік-жекеменшік әріптестігі аясында салынған. 

Қарағанды облысында тұрғын үй кезегінде тұрған 1, 2 мың көпбалалы отбасы бар

Облыс әкімі осыған байланысты қабылданған шешімдер туралы айтып өтті. 

22 Ақпан 2019 17:54 383

Қарағанды облысында тұрғын үй кезегінде тұрған 1, 2 мың көпбалалы отбасы бар

Қарағанды облысында көпбалалы ата-аналарға баспана алу үшін тұрғын үй сертификаттары мен қолайлы несиелер берілетін болады. Бұл туралы облыс әкімі Ерлан Қошанов есеп беру кездесуінде айтты, деп хабарлайды өңір әкімінің баспасөз қызметі.

«Бұл тақырып өте өзекті. Бүгінде облыста тұрғын үй алу үшін 1 206 көпбалалы отбасы кезекте тұр. Өздеріңіз білетіндей, «Нұрлы жер» бағдарламасы бойынша біз кезекте тұрғандардың барлық 11 санаты үшін жылына 300-ге жуық пәтер салудамыз. Осы санаттар бойынша кезекте тұрғандардың саны бүгінгі таңда 36 мыңнан асады. Мұндай қарқынмен біз, әрине, жақын арада баспанаға мұқтаждарды пәтермен қамтамасыз ете алмаймыз», – деп атап өтті аймақ басшысы.

Облыс әкімі осыған байланысты қабылданған шешімдер туралы айтып өтті. 

Біріншіден, кезекте тұрған көпбалалы отбасыларды несиелендіру үшін ТҚЖБ-ға облыстық бюджеттен 1 млрд теңге бөлінеді.

«Жылдық мөлшерлемесі 2% құрайтын 15 млн теңгеге дейін несие қарастырылған. Бастапқы жарна - 10%. Сонымен қатар, кірістерге қойылатын талаптар белгіленеді: отбасының бір мүшесіне шаққанда ең төменгі күнкөріс деңгейі бір жарымнан аспауы тиіс, ол дегеніміз - 44 547 теңге», – деп түсіндірді Ерлан Қошанов.

Екіншіден, облыстық бюджетте осы жылы бастапқы жарнаны субсидиялау үшін тұрғын үй сертификаттарына 1 млрд теңге қарастырылған. Көпбалалы отбасылар да осы қолдауды пайдалана алады. Мысалы, пәтер құны 10 млн теңге болса, тұрғын үй сертификаты 1 млн теңгені құрайтын бастапқы жарнаны толығымен жабады. Алдын ала есеп бойынша, ай сайынғы төлем орташа есептегенде 41 мың теңгені құрайды.