Hologic компаниясы 2024 жылға арналған әйел денсаулығы бойынша жаһандық индексті жариялады, деп хабарлайды inbusiness.kz сайты.
Зерттеуге 142 елден 146 мың әйел қатысты.
Индекс 5 негізгі критерийден тұрады. Атап айтқанда, профилактикалық көмек, эмоционалды денсаулық, денсаулық пен қауіпсіздік, негізгі қажеттіліктер мен жеке денсаулық.
Қазақстан 63 балмен 13-орынға тұрақтады. Көршілес Өзбекстан 34-орында (60 балл). Қырғызстан – 49-орын (58 балл), Тәжікстан – 56-орын (56 балл).
Қазақстан денсаулық және қауіпсіздік көрсеткіштері бойынша біршама жоғары көтеріліп, жақсы нәтиже көрсетті. Тәжікстан профилактикалық көмек көрсеткіші бойынша төмен балл алғанымен, бұл елде оң өзгерістер байқалады. Ресей тізімде 52-інші тұр (57 балл).
Рейтингте 68 балл иеленген Тайвань бірінші орынға жайғасты. Ең соңғы орынға Ауғанстан орналасты (30 балл).
