Қазақстанның алтын қоры өткен тоғыз айда 9,2% немесе 32 тоннаға өсті. Бұл туралы Алтын бойынша әлемдік кеңестің қазан айындағы есебінде айтылды.
WGC мәліметтеріне сүйенсек 2019 жылдың 1 қазанында елдегі қымбат металдың көлемі 377,3 тонна (1 қаңтарда – 345,4 тонна) болған. Өсім көлемі – 9,2% немесе 32 тонна. Осылайша Қазақсанның алтын қоры еліміздің халықаралық резервінің 66% құрап отыр.
Қазіргі кезде Қазақстан бағалы металл көлемі бойынша 14 орында (ХВҚ есебінсіз) және Португалия (382,5 тонна) мен Түркияның (362,5 тонна) ортасында тұр.
Алтын қоры бойынша әлемдегі үштікті АҚШ – 8,1 мың тонна, Германия – 3,3 тонна, Италия – 2,4 мың тонна көрсеткішпен бастап тұр. Екі көршімізге келсек, Ресей WGC тізімінде 2,2 мың тоннамен бесінші, Қытай 1,9 мың тоннамен алтыншы орында.
