Қор құрылғалы бері трансшекаралық су ресурстарын бірлесіп пайдалану мен Арал бассейніндегі әлеуметтік-экономикалық жағдайды жақсартуға ықпал етіп келеді.
2024 жылғы 1 қаңтардан бастап Қазақстан аталған қорға 3 жыл бойы төрағалық етеді, деп жазады inbusiness.kz сайты.
Бұл туралы Су ресурстары және ирригация вице-министрі Нұрлан Алдамжаров су ресурстарын басқаруға арналған дөңгелек үстелде мәлімдеді.
– Біріншіден, Орталық Азияның су-энергетикалық ресурстарын тиімді пайдалану үшін барлық елдің мүддесін ескере отырып, өзара тиімді және тұрақты өңірлік ынтымақтастық механизмін құру керек деп санаймыз. Екіншіден, Арал теңізі бассейнінде су ресурстарын есепке алу мен мониторинг жүргізудің бірыңғай автоматтандырылған жүйесін енгізу жөніндегі жұмыс жоспарын әзірлеу маңызды. Бұл суды пайдаланудың ашықтығын қамтамасыз етіп, Орталық Азия елдері арасындағы өзара сенімді нығайтады. Үшіншіден, даму жөніндегі халықаралық әріптестермен ынтымақтастықты тереңдету бойынша шаралар қабылдау қажет, соның ішінде Арал теңізі бассейні елдеріне көмек көрсету жөніндегі іс-қимыл бағдарламасын (ПБАМ-4) және Орталық Азияның тұрақты дамуы үшін қоршаған ортаны қорғау жөніндегі өңірлік бағдарламаны (РПООСУР) іске асыру бойынша жұмыстарды жалғастыру қажет, – деді вице-министр.
