Жалпы Қазақстан аумағы арқылы темір жол көлігімен жүк транзиті өткен жыл деңгейіне сәйкес келеді.
Жүк тасымалының танымал бағыттарының бірі Қытай-Еуропа-Қытай. Қаңтар-қазан айларында осы бағыттағы тасымалдар көлемі өткен жылға қарағанда 36%-ға өскен.
"Каспий өңірінің порттары арқылы жүк тасымалдау биылғы жылдың қаңтар-қазан айларында өткен жылдың сәйкес кезеңімен салыстырғанда 3%-ға ұлғайды және де 4,6 млн тоннаны құрады. Ақтау порты арқылы тасымалдау көлемі 2020 жылдың сәйкес кезеңінің көрсеткіштерінен 15%-ға (2,9 млн.тоннадан астам) асып түсті. Теңіз порттары арқылы астық экспорты 2021 жылдың 10 айында өткен жылмен салыстырғанда 56%-ға артып, 1,2 млн тоннадан асты", – деп жазылған ҚТЖ хабарламасында.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
