Қаныш Әбубәкіров жетекшілігімен Алматы өңірлік гарнизоны аумағында оқу-әдістемелік жиындар ұйымдастырылды,деп хабарлайды inbusiness.kz сайты.
Іс-шара барысында заманауи қарулы қақтығыстар жағдайына бейімделген жауынгерлік даярлық жүйесін жетілдіру мәселелеріне басымдық берілуде. Жиынға Қарулы күштердің әртүрлі құрылымдары, Арнайы операциялар күштері мен Десанттық-шабуылдау әскерлерінің өкілдері қатысып жатыр.
Бітімгер оқу орталығы базасында әскерлерді даярлаудың жаңартылған тәсілдері таныстырылып, бөлімдердің күнделікті қызметін жоспарлау бойынша көрсетілім сабақтары өтті.
Сондай-ақ әскери қызметшілер үшін цифрлық шешімдерді пайдалану, байланыс пен басқаруды ұйымдастыру, әуе шабуылына қарсы қорғаныс, радиоэлектрондық күрес және ұшқышсыз ұшу аппараттарын қолдану мәселелері талқыланды.
Жиын қорытындысында генерал-лейтенант Қаныш Әбубәкіров қазіргі заманғы ұрыс жағдайы әскерлердің жауынгерлік және дене дайындығын үздіксіз жетілдіруді талап ететінін атап өтті.
